Бас жаңалықтар
Өскеменде ұлттық тағамдар әзірлеуден сайыс өтті
06 Желтоқсан 2019, 14:16 2043

Өскеменде ұлттық тағамдар әзірлеуден сайыс өтті

Нұр-Сұлтан, BAQ.KZ. Шығыс-Қазақстан облысының "Достық үйі – қоғамдық келісім орталығында" әртүрлі ұлт өкілдерінің тағамдары таныстырылды, деп хабарлады ҚХА сайты.

Алғаш рет ұйымдастырылған "Қазақстан халқы асханасы" сайысына этномәдени бірлестік мүшелері ұлттық тағамдарын ұсынды. Ұйымдастырушылардың ақпаратына сәйкес, іс-шараның басты мақсаты – Шығыс Қазақстан жеріндегі халықтардың аспаздық мәдениетін насихаттау.

Қатысушылар алғашқы кезеңде қазылар алқасына ұлттық тағамнан дәм татқызып, оның жасалу технологиясын айтып берді. Бір-біріне ұқсамайтын, тіл үйірер тағамдар қатарында әзірбайжандардың ұлттық тағамы - долма, белорусь асханасынан "колдун" атауымен танымал котлеттар мен бәліштер, еврейлердің "фиш" атты балығы, корейлердің диеталық ролл тағамдыры болды, - делінген ақпаратта.

Келесі кезеңде қатысушылардың жайған дастархандарына, киім киісіне назар аударылды. Сайыс көрермендері тағамдардан дәм татып, оның шығу тарихы мен жасалу жолдарымен танысты. Қорытындылай келе, әділқазы алқалары ұлт өкілдерінің барлығы асханаларын бірдей жоғары деңгейде таныстырды деген баға беріп, барлықтарын сыйлықтармен марапаттады.


Фото: дереккөз
Загрузка...