Сириядан қайтарылған балалардың әкелері қаза тапқан – ҰҚК

Астана, baq.kz. «Жусан» гуманитарлық операциясымен Сириядан елге қайтарылған балалардың әкелері қақтығыс аумағында қаза болған. Бұл туралы ҰҚК департаментінің басшысы Бақытбек Рақымбердиев мәлімдеді. 

«Қайтарылғандармен оңалту, қоғамға беймідеу жұмыстары жүргізіледі. Келген балалардың барлығы – жетімдер. Бәрінің де әкелері қайтыс болған. Олар аналарымен білге елге оралды. Анасы әзірге сонда қалған бір бала бар. Толық жетімдер жоқ», - деді Рақымбердиев СІМ брифингінде.
 
Қайтарылғандардың арасында бірнеше бала Сирияда дүниеге келген. Олардың құжаттарымен ІІМ мен жергілікті атқарушы органдар айналысатын болады. Бұл рәсім заңнамада бекітілген. 

ҰҚК департаментінің басшысы қазақстандықтардың Сириядағы қақтығыстар аумағына қалай тап болғанын айтты. 

«Қақтығыс басталған кезде оларды интернет арқылы тарта бастаған. Оларға әлеуметтік желі арқылы насихат жасап, ондағы өмірді әділетті, діни қағида сақталады деген деп баяндаған. Бағаннан кейін олар мүлдем олай емес екенін біледі. Ешқандай да әділдік жоқ, мұсылман мұсылманмен соғысады. Ол жаққа барған соң шығу мүмкін емес. Қашпақ болғандарды өлім жазасына дейін кесуі мүмкін. Қашамын деп өлім жазасына кесілген азаматтарымыз туралы мәлімет бар», - деді ол.  

Ол соңғы екі жылда Қазақстан аумағынан соғыс аймағына бір де бір адам шықпағанын айта кетті. 

Еске сала кетсек, 6 қаңтарда Нұрсұлтан Назарбаевтың тапсырмасымен құқық қорғау органдары мен Сыртқы істер министрлігі жүргізген «Жусан» гуманитарлық операциясы нәтижесінде Сириядан 47 Қазақстан азаматы, соның ішінде 30 бала елімізге қайтарылған болатын.

Сонымен қатар, Сыртқы істер министрлігі Сириядан балаларды Қазақстанға қайтару жалғасатынын, 6 қаңтар күні қайтарылған 7 қазақстандыққа қатысты қылмыстық іс қозғалғанын атап өтті.

Сәтпаев қаласының тұрғыны Ботагөз Мақатова Сирияға кетіп, қаза тапқан баласы туралы баяндап, келіні мен үш немересін күтетінін жеткізді. 

Ұлттық қауіпсіздік комитеті Сирияда қанша қазақстандық барын атап өтті.