Бас жаңалықтар
Шымкенттік әке өз балаларын жарып жібермек болған
18 Қазан 2020, 22:40 115

Шымкенттік әке өз балаларын жарып жібермек болған

Алматы, BAQ.KZ. Шымкентте мас ер адам екі баласын бөлмеге қамап, газ баллонды жарып жібермек болды. Бұл туралы  "Хабар 24" мәлімдеді.

Мұндай қадамға ол отбасындағы кикілжіңнен кейін барған.

ТЖД баспасөз қызметінің мәліметінше, оқиға 17 қазанда сағат 15:45-те болған.

Учаскелік полицияның "101" пультіне Еңбекші ауданының Айнатас тұрғын үй алабының тұрғыны өз-өзіне қол жұмсағысы келетінін хабарлаған. Оқиға орнына келген өрт сөндірушілер 42 жастағы үй иесінің мас күйде суицид жасамақ болғанын анықтады. Ол отбасылық жанжалдан кейін 50 литр газ баллонын ашып, 4 және 8 жастағы екі баланы бөлмеге қалдырған. Кез келген минутта жарылыс болу қаупі туындады, - делінген хабарламада.

Оқиға орнына өрт сөндіру бөлімінің жеке құрамынан 5 адам мен Апаттар медицинасы орталығы филиалының арнайы бригадасы тартылды.

Жағдайдың қауіпті екенін түсіне отырып, №7 өрт сөндіру бөлімінің қарауыл бастығы Ербол Небесаев жедел әрекет етті. Ол өзге қызметкерлермен бірге бөлмеге жүгіріп кіріп, газ баллонының кранын жапқан. Баллонды далаға шығарып, балаларды қауіпсіз жерге эвакуациялаған. Балалардың жағдайы тексеріліп, оларға медициналық көмек керек еместігі анықталды. Олар анасымен бірге үйінде қалды. Ал үй иесін Еңбекші ауданының полициясы алып кетті, - делінген хабарламада.


Фото: ашық дереккөз
Загрузка...