Бас жаңалықтар
Шымкенттегі 5 шағын ауданға газ тартылады
04 Тамыз 2020, 15:12 354

Шымкенттегі 5 шағын ауданға газ тартылады

Нұр-Сұлтан, BAQ.KZ. Қаратау ауданында газ құбырларын тарту жұмыстары қарқын алып келеді.  Тұрғын үйлерге табиғи газ берілгенге дейінгі барлық жүйелердің дайын болуы үшін құрылыс жұмыстары қыза түскен.

Нақтырақ айтар болсақ, наурыз айында Тұран шағын ауданын  табиғи газбен қамтамасыз ету бойынша магистралды жүйенің құрылысы бастау алған болатын. Бүгінде "StroyGazCompany" компаниясы жұмыстың 1-кезеңін қараша айында аяқтауды жоспарлап отыр. Сондай-ақ, Қайнарбұлақ тұрғын алабында да магистралды газ құбырының құрылысы жүргізіліп жатыр. 
Достық және Асар шағын аудан тұрғындарының да көгілдір отынға қосылар кезі алыс емес. Достықта 46,06 км құрайтын, ал Асар шағын ауданында 50,4 км болатын ішкі орамдық жүйелердің құрылысы жүргізіліп жатыр. "Газовое хозяйство Шымкент газ" ЖШС, "Отау Строй" ЖШС компаниялары құрылысты толығымен келесі жылы аяқтайтынын айтуда, - деп хабарлады Шымкент қаласы әкімінің баспасөз қызметі.
газ1.jpeg

Сонымен қатар, Азат шағын ауданында табиғи газ жүйелерінің құрылысын жүргізу үшін  2020 жылға жергілікті бюджеттен 30,7 млн тг қаржы қаралып отыр.

"Ынтымақ бес арыс" компаниясы құрылыс жұмыстарын мамыр айында бастаған болатын. Жалпы құны 236,3 млн теңгені құрайтын жоба құрылысы кесте бойынша келер жылы аяқталуы тиіс. 



Фото: дереккөз
Загрузка...