Бас жаңалықтар
Шымкентте жасөспірімнің қалқанша безіне ота жасалды
13 Қыркүйек 2021, 20:46 56

Шымкентте жасөспірімнің қалқанша безіне ота жасалды

Нұр-Сұлтан, BAQ.KZ. Шымкент қалалық клиникалық балалар ауруханасының және №1 қалалық аурухананың мамандары 13 жастағы балаға күрделі ота жасады. 

Дәрігерлер жасөспірімнің тамағында пайда болған үлкен ісікті хирургиялық жолмен алып тастады. Жас пациент екі аурухананың бас дәрігерлерінің келісімімен тексеріліп, ауруханаға жатқызылды.

Мамандардың айтуынша, қалқанша без аймағында мұндай көлемдегі ісіктер сирек кездеседі, ал науқаста диаметрі 10 см-ге жетті. Оны алып тастау операциясы бір жарым сағатқа созылды. №1 Қалалық клиникалық аурухананың бас дәрігері Абылай Донбай және қалалық клиникалық балалар ауруханасының хирургиялық жұмыс жөніндегі орынбасары Сарыбай Сұлтанғали бастаған хирургтар ісікті зергерлік дәлдікпен алып тастады. Дәрігерлердің айтуынша, операция сәтті өтті. Қазір науқастың жағдайы жақсы.

Қалқанша безінің функциясының бұзылуына байланысты науқаста оның мөлшері жыл сайын артып келді. Нәтижесінде оның өмірінің әр күні соңғы болуы мүмкін, өйткені ісік қалыпты дем алып, сөйлеуге кедергі келтірді - деді №1 Қалалық клиникалық аурухананың бас дәрігері Абылай Донбай.

Мұндай операция балалар ауруханасында алғаш рет жасалды. Хирургтар хирургия кезінде білікті маманнан баға жетпес тәжірибе алғанын, енді қалқанша безіне операция жасауға дайын екендерін айтады.

Айта кетейік, биыл балалар ауруханасында Эндокринология саласы бойынша педиатриялық бөлім ашылды. Сонымен қатар, аурухана қаражаты есебінен эндокринолог мамандығы бойынша дәрігер-резидент дайындалуда. Жалпы, қазір қала тұрғындары қалалық балалар ауруханасынан мамандандырылған көмек ала алады.


Фото: дереккөз
Загрузка...