Астана, baq.kz. ШҚО аумағында шекара бақылауын жүзеге асыру кезінде 28 жастағы қырғыз азаматынан діни сипаттағы тыйым салынған кітап табылды, - деп хабарлайды ҚР ҰҚК.
Оқиға Семей жеріндегі «Ауыл авто» шекаралық бақылау бөлімшесінде болды.
«Жолаушылардың бірінің сөмкесінен қырғыз тіліндегі діни сипаттағы кітап табылды. Ол – Қазақстан аумағына әкелуге тыйым салынған әдебиеттер тізімінде бар», — деп хабарлады ҚР ҰҚК Шекара қызметінің баспасөз қызметі.
Қырғызстан азаматының Қазақстан арқылы өз еліне Ресейден келе жатқаны анықталды.
Ал кітап Бородулиха ауданының Ішкі істер бөліміне тапсырылды.
