ШҚО құтқарушылары қысқы кезеңді қорытындылады

12 Сәуір 2021, 22:09
1404
Бөлісу:
ШҚО құтқарушылары қысқы кезеңді қорытындылады

Нұр-Сұлтан, BAQ.KZ. Шығыс Қазақстан республикадағы көшкін қаупі жоғары аумақтардың бірі саналады. 

"Қазселденқорғау" мамандары көшкін қаупі бар учаскелерді үнемі тексеріп отырады. Тұрақты қар ұстайтын қалқандар орнатылған, ұзындығы 17722 метр 314 қар басып қалатын учаске жіті назарда. Қысқы кезеңнің басынан бері көшкін қаупі бар учаскелерді тазалау үшін барлығы 90 жару жұмыстары жүргізілді, 594000 текше метр қар түсірілді.

Республикалық трассаларда 4 трассалық медициналық-құтқару пункті жұмыс істеді, олар 17 рет көмекке шығып, 46 азаматқа көмек көрсетті, оның ішінде 36-сы өз өтініштері бойынша. Қолайсыз метеожағдайлар бойынша 26 адам жылытылды, оның ішінде 4 эвакуацияланған және 22-сі өз бетінше жүгінген.

Автомобиль жолдарын күтіп ұстау үшін 857 бірлік қар тазалайтын техника, оның ішінде автогрейдерлер, шнекороторлар, шынжыр табанды және дөңгелекті тракторлар, тиегіштер, автосамосвалдар жұмылдырылды. Жол қызметтері тайғаққа қарсы материалдардың 14380 тоннадан астам қорын және 980 уақытша жол белгілерін дайындады, - деп хабарлады ШҚО ТЖД баспасөз қызметі.

ШҚО ТЖД авариялық - құтқару жұмыстарын жүргізу үшін 150-ден астам техника, оның ішінде жол талғамайтын техника жұмылдырылды, олар қар құрсауына бейім аудандарда шоғырланған, толық жетекті өрт сөндіру автоцистерналарынан, вахталық және транспорттық тартқыштардан басқа құтқарушыларда байланыс және жарықтандыру автомобилі бар, сондай-ақ сенімге  ие болған "НИВА-МАРШ", ТРЭКОЛ және Шерп, ТЖ қызметі қызметкерлерінің жеке құрамының саны 2000-нан астам адам. Шұғыл көмек көрсету үшін Өскемен қаласының әуежайында "Қазавиақұтқару" бөлімшесінің "Еврокоптер-145"1 тікұшағы орналасқан.

Төтенше жағдайлар департаменті "Қазгидромет" филиалымен бірлесіп дауылдық ескертулер туралы ақпарат алу бойынша тұрақты негізде өзара іс-қимылды ұйымдастырды, сондықтан барлық мүдделі мемлекеттік органдар мен қызметтерге дереу жеткізу үшін қысқы кезеңнің басынан бастап 54 хабарлама жарияланды. Халыққа ақпарат ұялы байланыс операторлары арқылы, сондай-ақ "DARMEN" мобильді қосымшасы арқылы SMS-хабарламалар жіберу арқылы жеткізілді.

ШҚО ТЖД қызметкерлері қысқы қар құрсауына түскен азаматтарға көмек көрсетуге қатысты: тас жолдан 179 автокөлік сүйретіп шығарылды, 592 адам құтқарылды және 54 адам эвакуацияланды. 51 көлік құралының техникалық ақауы бойынша ТЖ қызметінің қызметкерлері автожолдарда көмектесті. Өңірде 71 рет сабақ тоқтатылған. Шаруашылық жүргізуші субъектілерге көшкін қаупі және қарлы беткейлерде жазатайым оқиғалардың алдын алу туралы 140 хабарлама жіберілді, - делінген ақпаратта.

Мұздағы жазатайым оқиғалардың алдын алу үшін Департамент мамандары облыстың барлық аудандарында 11 564 азаматты қамти отырып, 1205 рейд жүзеге асырылды, қысқы су айдындарында жүріс-тұрыс қағидалары бойынша 16 411 жадынама таратты. 

Қабылданған шаралар кешені республикалық және облыстық маңызы бар автомобиль жолдарының бойындағы қар көшкінінің өздігінен түсу қаупін азайтуға мүмкіндік берді. Бүгінгі күні облыс аумағының биік таулы бөлігінде көшкін қаупі бар жағдай сақталуда және қызметтің күшейтілген режиміндегі Қазселденқорғау Шығыс Қазақстан филиалы бақылаушыларының тұрақты бақылауында.



Өзгелердің жаңалығы