Бас жаңалықтар
Шетелдік ЖОО студенттері медициналық қызметтерді тегін ала алады
27 Қазан 2020, 15:08 139

Шетелдік ЖОО студенттері медициналық қызметтерді тегін ала алады

Нұр-Сұлтан, BAQ.KZ. Бұл туралы ҚР БҒМ баспасөз қызметі хабарлады.

Шетелдік жоғары оқу орындарына өз бетінше оқуға түскен, ал қазір қашықтан оқып жатқан қазақстандық студенттер Білім және ғылым министрлігіне өтініш білдіріп, медициналық қызметтерді тегін алу бойынша көмек көрсетуді сұраған болатын.

Ендігі кезекте бұл студенттер де қазақстандық жоғары оқу орындарының студенттері сияқты МӘМС шеңберінде медициналық көмекті тегін алатын болады. Студенттер сақтандыру жүйесіндегі өз мәртебесін растау үшін Электрондық үкімет порталында тіркеуден өтулері қажет. Кейін білім алушыға қатысты мәліметтер Еңбек және халықты әлеуметтік қорғау министрлігі мен ҚР Денсаулық сақтау министрлігіне жолданады. Нәтижесінде студенттер МӘМС шеңберінде жеңілдіктер санатына енгізілетін болады.

Студенттер өтініштерін министрдің блогына да жолдады. Біз бірден әрекет жасап, олардың электрондық үкімет порталы арқылы тіркелуі үшін қажет жағдай жасадық. Осылайша, 10 күннің ішінде шетелде оқитын студенттерді тіркеу қызметін 250-ге жуық адам пайдаланған. Ендігі кезекте олар медициналық қызметтерді тегін ала алады, – деп жазды Білім және ғылым вице-министрі Биғари Facebook-тегі парақшасында.

Айта кетейік, қазақстандық оқушылар мен студенттер міндетті медициналық сақтандыру аясында медициналық қызметтерді тегін алады.


Фото: дереккөз
Загрузка...