Бас жаңалықтар
ШҚО-да жүзге тарта ауыл шаруашылығы кооперативтері әрекетсіздік танытуда
18 Қаңтар 2019, 17:59 2058

ШҚО-да жүзге тарта ауыл шаруашылығы кооперативтері әрекетсіздік танытуда

Өскемен, BAQ.KZ тілшісі. Бүгінгі таңда Шығыс Қазақстан облысында 432 ауылшаруашылығы кооперативі тіркелген. Облыстық кәсіпкерлер палатасының қолдауымен ашылған 407 кооперативке 11,2 мың адам біріккен. Құрылған кооперативтердің 54-і сүт, 236-сы ет өндірумен айналысса, 142 кооператив басқа бағыттарда жұмыс істеп жатыр.

Дегенмен, Кәсіпкерлер палатасының өткен жылы жүргізген зерделеу жұмыстары көңіл көншітпеді. Атап айтсақ, мониторинг барысында 42 кооператив мүлдем жабылса, 54-інің жұмыстарын уақытша тоқтатқаны белгілі болды.

«Мұның басты себебі – ауыл шаруашылығы мақсатындағы жерлердің болмауы, ірі қараны бордақылау ережелеріне енгізілген өзгерістерге байланысты субсидиялау түріндегі мемлекеттік қолдаудың жоқтығы. Тағы бір себеп, ол өтімді кепілзаттың қамтамасыз етілмеуі», - дейді ШҚО Кәсіпкерлер палатасының директоры орынбасарының міндетін атқарушы Қайрат Мамырбаев.

Қазіргі уақытта ірі қайта өңдеу кәсіпорындарының, мал басы 1500-ден асатын бордақылау алаңдарының маңында зәкірлі кооперациялар құру жұмыстары жүргізілуде. Ол жерлерде шағын ауылшаруашылығы өнімдерін өндірушілер ірі ауылшаруашылығы кәсіпорындарымен біріктіріледі. Нәтижесінде сүт өндіретін – 4, ет өндіретін – 7, омарта бағытында – 1 коопертаив құрылып, жиынтығы 12 зәкірлі кооперативті құрады.

Азамат Темірбеков
Загрузка...

Сізден жаңалық