Бас жаңалықтар
Сенаторлар Қарағанды облысында көшпелі отырыс өткізді
PHOTO
10 Желтоқсан 2019, 20:59 5465

Сенаторлар Қарағанды облысында көшпелі отырыс өткізді

Нұр-Сұлтан, BAQ.KZ. Сенаттың "Өңір" депутаттық тобы "Қарағанды облысындағы өнеркәсіп кәсіпорындарының өндіріс үдерістерін цифрландыру үлгісі" тақырыбы бойынша Қарағанды облысында көшпелі отырыс өткізді.

Шараға Сенат депутаттары – депутаттық топтың мүшелері Михаил Бортник, Мұратбай Жолдасбаев, Сергей Ершов, Рашит Әкімов, Ерболат Мұқаев, Сергей Плотников, Ерік Сұлтанов, Қарағанды облысының әкімі Жеңіс Қасымбек, цифрлық даму, инновация және аэроғарыш өнеркәсібі министрінің орынбасары Аблайхан Оспанов, индустрия және инфрақұрылымдық даму министрінің орынбасары Аманияз Ержанов, облыстық мәслихат депутаттары және кәсіпкерлер қатысты.

2.JPG

Шараны ашқан "Өңір" депутаттық тобының жетекшісі Михаил Бортник Мемлекет басшысының экономиканы одан әрі цифрландыру бойынша міндет қойғанын еске салды.

Цифрландыру - кәсіпорындар мен жалпы ел экономикасының бәсекеге қабілеттілігін қамтамасыз етудің маңызды шарты. Одан әрі өсу цифрландыру қарқынын жеделдетуге, экономиканың барлық секторларында цифрлық құралдарды белсенді енгізуге байланысты, - деді ол.

4.JPG

Сенатор Қарағанды облысы сандық технологияларды енгізуде айтарлықтай жетістіктерге қол жеткізген жетекші индустриялық аймақ екенін атап өтті.

5.JPG

Қазақстан Республикасының индустрия және инфрақұрылымдық даму министрінің орынбасары А.Ержанов тау-кен өнеркәсібінің жүйе құраушы кәсіпорындарын цифрландыру аясында 283,3 млрд теңге сомасына 53 жобаны жүзеге асыру жоспарланғанын, оның ішінде 59,1 млрд теңгеге 22 жоба іске асқанын, 31 жобаны аяқтау көзделіп отырғанына тоқталды.

10.JPG

"Қазақмыс корпорациясы", "Алтыналмас АК", "Eurasian Foods Corporation" акционерлік қоғамдарының басшылары аталған кәсіпорындарда цифрландырудың жоғары деңгейіне қол жеткенін айтты, бұл өндіріс процестерін айтарлықтай оңтайландыруға мүмкіндік берді.

Сенаторлар С.Ершов пен Е.Сұлтанов экономиканың тиімділігі мен ұлттық экономиканың бәсекеге қабілеттілігін арттыру мақсатында барлық салаларды одан әрі цифрландырудың маңызды екеніне назар аударды.

11.JPG

Сенаторлар көшпелі отырыс аясында "Бемер арматура", Recycling Company, Eurasian foods, Maker кәсіпорындарында болып, өндіріс процестеріне сандық технологияларды енгізу барысымен танысты.

12.JPG
Отырыс қорытындысы бойынша ұсынымдар қабылданып, еліміздің Үкіметіне, орталық және жергілікті атқарушы органдарға жіберілетін болды.

Фото: дереккөз
Загрузка...