Сауат Мыңбаев тағы бір жұмысқа кірісті

24 Қазан 2019, 13:36
3786
Бөлісу:
Сауат Мыңбаев тағы бір жұмысқа кірісті
PHOTO

Нұр-Сұлтан, BAQ.KZ тілшісі. Бүгін «Атамекен» ҚР ұлттық кәсіпкерлер палатасы төралқасының VI съезі өтті. 

WhatsApp Image 2019-10-24 at 15.33.42.jpeg

Съезд барысында палатаның атқарылған жұмысы туралы есебі, "Атамекен" ҚР ҰКП дамуының жаңа мақсатты моделі және бизнестің түйткілді мәселелері қаралды. Сондай-ақ, төралқа мүшелері сайланды. Олардың арасында "Қазақстан темір жолы" ҰК" АҚ басқарма төрағасы Сауат Мыңбаев та бар.

WhatsApp Image 2019-10-24 at 15.33.38 (1).jpeg

"Логистика және көлік комитеті төрағасы өкілеттігінің тоқтауына байланысты төралқа мүшесі Қанат Қалиұлы қызметінен босатылып, оның орнына Сауат Мұхаметбайұлы Мыңбаевты сайлау ұсынылды", - деді "Атамекен" ҰКП басқармасы төрағасының орынбасары Рустам Жүрсінов.
WhatsApp Image 2019-10-24 at 15.33.41.jpeg

Ал жақында сотталып кеткен Қазақстан фермерлер одағының бұрынғы басшысы Әуезхан Дарыновтың өкілеттігін тоқтатып, оның орнына "Атамекен" ҰКП басқарма төрағасының орынбасары Ләззат Рамазанова сайланды.

WhatsApp Image 2019-10-24 at 15.33.44.jpeg

Айта кетейік, "Атамекен" құрылған алты жыл ішінде үкіметпен бірге жүйелі негізде бизнес-ортаны жетілдіру бойынша жұмысты жүргізуде. Соңғы бірнеше жыл ішінде Қазақстандағы іскерлік ахуалды түбегейлі өзгерту бойынша 7 ауқымды заң қабылданған. "Атамекен" сарапшылары 621 жүйелі проблеманы анықтапты, соның ішінде 490 мәселе (79%) шешімін тапқан деп отыр.  


Өзгелердің жаңалығы