Ел чемпионаты. «Әулие ата» С тобында көш бастады

22 Мамыр 2019, 16:22
4155
Бөлісу:
Ел чемпионаты. «Әулие ата» С тобында көш бастады
PHOTO
Фото: автордан

Тараз, BAQ.KZ тілшісі. С тобында шешуші ойын Қостанай облысының құрамасы мен Жамбыл облысының «Әулие ата» командасы арасында өтті. 

С тобында - Алматы қаласының құрамасы, Қостанай облысының құрамасы, Жамбыл облысының «Әулие ата» командасы мен СҚО құрамасы сайысқа түсуде. 

Ел чемпионаты. «Әулие ата» С тобында көш бастады

«Әулие ата» бұған дейін Алматы қаласының құрамасын 8:0, СҚО құрамасын 15:2 есебімен ұтқан болатын. Бүгін Қостанай облысының балуандарымен тақым түйістірген жамбылдықтар ойынның алғашқы кезеңінде-ақ есепті 8:0-ге жеткізді.  

Қостанай облысының құрамасы, команда капитаны – Алдияр Байтасов, жетекшісі – Рыскелді Байтасов.  

Ел чемпионаты. «Әулие ата» С тобында көш бастады

Жамбыл облысы «Әулие ата» командасы, команда капитаны – Есжан Құрманбай, жетекшісі – Үмбет Күшікбаев, жаттықтырушысы – Есжан Құрманбай. 

Ойынның екінші айналымында шеңберге «Әулие ата» жігіттері апарып салады, оны қостанайлық жігіттер алаң ортасына алып келумен өтті. 

Алаң иелері өз жерінде ешкімге дес бермейтінін тағы дәлелдеді. Есеп – 15:1. Жеңіс – «Әулие ата» командасының қанжығасында. 

Ел чемпионаты. «Әулие ата» С тобында көш бастады

Салым салғандар:

Қостанай облысы құрамасы: Бақдәулет Асанов – 1 салым. 

«Әулие ата»: Есжан Құрманбай – 2 салым, Манарбек Дүйсенбиев – 1 салым, Ернат Мәлімбай – 1 салым, Құлажан Тоғайбаев – 1 салым, Болатбек Әлімбетов – 2 салым, Ернар Жарылқасын – 2 салым, Ислам Рәт – 2 салым, Бағлан Ширимбаев – 1 салым, Құрманбек Тұрғанбек – 2 салым. 

Естеріңізде болса, бұған дейін, А тобынан Түркістан облысының "Құлагер", В тобынан Атырау облысының «Нарын» командасы және D тобынан Ақмола облысының "Жекебатыр" командасы үздік шыққанын хабарлаған болатынбыз. 

Ел чемпионаты. «Әулие ата» С тобында көш бастады

Сонымен, ересектер арасында көкпардан ХІХ кезекті Қазақстан чемпионатының ширек финалына шыққан командалар анықталды. Олар:

Түркістан облысының "Құлагер" командасы;
Атырау облысының «Нарын» командасы;
Ақмола облысының "Жекебатыр" командасы;
Жамбыл облысының «Әулие ата» командасы. 

Финалдық ойындар 26 мамыр күні өтеді.


Өзгелердің жаңалығы