Бас жаңалықтар
"Рухани жаңғыру" бағдарламасы аясында жаңа жоба басталды
21 Қазан 2019, 14:18 477

"Рухани жаңғыру" бағдарламасы аясында жаңа жоба басталды

Нұр-Сұлтан, BAQ.KZ. Елордада "Рухани жаңғыру" бағдарламасы аясында "Қазақстанның мәдени мұрасы әлеміне саяхат" атты жаңа жоба қолға алынды. Бұл туралы елорда әкімдігінің ресми сайты хабарлады.

Жаңа жоба қазақтың мәдени мұрасын сақтап, насихаттауға бағытталған. 

"Бүгінгі шара "Рухани жаңғыру" бағдарламасы аясында жүзеге асып жатыр. Осы бағдарлама аясында қаншама асыл мұраларымыз танылып та, табылып та жүр. Қазақ мәдениеті ғасырлар бойы ұрпақтар арасындағы сабақтастықты жалғастырып келеді. 30 жылға жуық тәуелсіздік тарихымызда да ұлттық құндылықтарымыз аз дәріптеліп жүрген жоқ. Жобаның көздегені – жас ұрпаққа төл мәдениетімізді таныстыра отырып, олардың санасына рухани жаңғыру кодын сіңіру. Және әлемге қазақстандық мәдениетті жаңа тұрпатта таныстыру. Жоба аясындағы шаралардың алғашқысы – бүгінгі тұсаукесер. Одан әрі жоспарға түрлі бағыттағы тарихи-мәдени іс-шаралар ұйымдастырылады", - деді ҚР Тұңғыш президенті кітапханасы директорының орынбасары Ботагөз Қайыпова.
 
Оның айтуынша, жоба 1 жылға арналған. Жоба жетекшілері оны Тәуелсіздіктің 30 жылдығына дейін жалғастыру ойымызда бар. Белгілі болғандай, жоба аясында елордалық оқушылар тарихи-мәдени орындармен танысып, ғылыми зерттеулер жүргізеді.
"Оқушыларға арналған бұл шараның басты мақсаты – оқушыларды тарихи жәдігерлер мен ескерткіштер туралы терең танып білуін қамтамасыз ету. Сондай-ақ, ел өңірлерінің мәдениетімен таныса отырып, оқу-танымдық бағдарламаларды әзірлеу. Жоба 2019-2020 оқу жылына арналған. Бір жыл бойы оқушылардың қатысуымен түрлі бағыттағы шаралар ұйымдастырылады. Оның ішінде, танымал тұлғалармен кездесу, әдеби кеш, түрлі байқау және ғылыми жобалар жазу. Сонымен қатар, көрмелер мен ашық сабақтар өтеді. Жобаны білім басқармасының бастамасымен қаладағы 5 мектеп бірігіп жүзеге асыратын боламыз", - деді қалалық №15 мектеп-лицейі директорының тәрбие ісі жөніндегі орынбасары Ғалия Омашева. 
Айта кетейік, "Қазақстанның мәдени мұрасы әлеміне саяхат" атты жобаға қаланың №15, 18, 19, 21, 35 мектеп ұжымы мен оқушылары қатысып жатыр. 


Фото: дереккөз
Загрузка...