Қазақстандық жеңіл атлеттер рекорд жаңартты

14 Шілде 2019, 14:50
1874
Бөлісу:
Қазақстандық жеңіл атлеттер рекорд жаңартты

Нұр-Сұлтан, BAQ.KZ. Қазақстандық жеңіл атлеттер 37 жылғы рекордты жаңартты.

Спортшылар бұл жетістікке Универсиада-2019 эстафетасында қол жеткізді.

Olympic.kz мәліметінше, 14 шілдеге қараған түні Неапольдегі Универсиада-2019 аясында 4-400 метрге ерлер арасында эстафетадан финалдық жарыс өтті. Қазақстан командасы ел рекордын орнатты.

Программаның осы түрінде Қазақстан командасы атынан Михаил Литвин, Андрей Соколов, Давид Ефремов пен Вячеслав Земс өнер көрсетті. Спортшылар 3:07.66 рекордтық нәтижемен мәреге жетті. Осылайша, қазақстандық квартет сегізінші болып келді.

Ал бірінші болып Мексика, екінші болып ОАР, ал үшінші болып Польша атлеттері жетті.

Қазақстандық спортшылар Курочкин, Пфейфер, Янцен мен Славинский бұған дейінгі рекордты 1982 жылы орнатқан болатын. Олар дистанцияны 3:09.51-де бағындырған еді.
Өзгелердің жаңалығы