Қызылорда облысында 21 жылқыны ұрлаған барымташы ұсталды
<p> </p> <h4>Нұр-Сұлтан, BAQ.KZ. Қызылорда облысында 21 жылқыны қолды еткен ұры қолға түсті, деп хабарлады облыстық Полиция департаментінің баспасөз қызметі.</h4>
26 Қыркүйек 2020 2020, 08:36
2190
Нұр-Сұлтан, BAQ.KZ. Қызылорда облысында 21 жылқыны қолды еткен ұры қолға түсті, деп хабарлады облыстық Полиция департаментінің баспасөз қызметі.
Таяуда өңірдегі Арал ауданы Тоқабай елді мекенінің тұрғыны полицияға арызданған. Полицейлер жедел іздестіру іс-шараларын жүргізіп, соның нәтижесінде мал ұрлаған адам қолға түсті.
Күдіктіні Аралға көршілес Қазалы ауданының полиция қызметкерлері ұстады. Қылмыстық істі ашуда криминалдық полиция қызметкерлері, полиция майоры Алмат Бердібеков, жедел уәкілдер – полиция аға лейтенанты Нұрбек Алмағанбетов және Мұрат Баймаханов белсенді әрекет етті. Оларға Арал ауданында 21 жылқысы қолды болған тұрғын Аралбек Байжақанов алғысын білдірді, - делінген баспасөз қызметі таратқан ақпаратта.
