Бас жаңалықтар
Құрбан айт - 2020: ҚМДБ қорытындысын жариялады
PHOTO
03 Тамыз 2020, 17:54 243

Құрбан айт - 2020: ҚМДБ қорытындысын жариялады

Нұр-Сұлтан, BAQ.KZ. ҚМДБ 2020 жылғы Құрбан айттың қорытындысын жариялап, 80 мыңнан астам отбасыға құрбандық еті таратылғанын хабарлады.

b5a2954a-d4e9-4a0c-91ee-010d38365625.jpg

Мұсылман мерекесі құлшылық пен қайырымдылықтан басталады. Ұлық мейрам – Құрбан айтта жағдайы бар адамға міндет болған негізгі амал – құрбан шалып, оны мұқтаж отбасыға тарату, осылайша, жабырқаған жандарды мерекелік қуанышқа бөлеу. Бұл амал адам баласының қанағатшылдық, жомарттық, мейірбандық, т.б. сынды адамдық қасиеттерін арттырады.           

Қазақстан Мұсылмандары діни басқармасы қоғам алдындағы қайырымдылық қызметін жандандыра түсу мақсатында және еліміздегі эпидемиологиялық жағдай кезінде мұсылмандық міндетті кедергісіз атқаруға оңтайлы ұсыныс ретінде www.qurban2020.kz жобасын іске қосты.

dc9bf2f5-14e2-4f5d-9a3a-4f865f512d9b.jpg

Санитарлық талаптарды сақтай отырып, осы жобаны жоғары деңгейде жүзеге асыру үшін әр аймақта жұмыс тобы құрылды. ҚМДБ өкілдігі жанынан құрылған жұмыс тобы тәулік бойы қызмет етті. Осы жобаға дін қызметкерлерімен қосқанда 3 924 ерікті, 872 көлік жұмылдырылды. Еліміз бойынша алдын ала белгіленген 35 стационарлық қасапханада 394 қасапшы жұмыс істеді. Ал әр өңірдегі орталықтандырылған жұмыс тобында 447 адам қызмет етті. Республика бойынша 25 сall-орталық qurban2020 жобасы бойынша тиісті кеңес пен ақпарат берумен айналысты, - делінген хабарламада.

0eee5e81-1a0d-4096-898c-cbcda276018d.jpeg

Еліміз бойынша www.qurban2020.kz сайтына қашықтан құрбан шалуға тапсырыс берген азаматтардың уәкілдік құрбандығы толығымен орындалды.

4a8bda28-b878-4b01-b39b-08b56e430d4e.jpeg

Игі іске үлес қосқан еріктілер мен мешіт жамағатының белсенді жұмысының нәтижесінде 81 301 мұқтаж отбасыға құрбандық еті жетікізілді. Жер-жердегі қарттар, жетімдер, балалар үйлері мен ауруханаларда да қайырымдылық шаралары өткізілді. Мерекелік қуанышқа бөленген жандар алғыс айтуда.

Айта кетсек, ҚМДБ-ның аймақтағы өкілдері айттың бірінші күнінде (31.07.2020) көмекке зәру 30 715 отбасыға құрбандық етін үлестірді. Ал айттың екінші күнінде (01.08.2020) 27 741 отбасы мерекелік қуанышқа бөленді. Құрбан айттың үшінші күнінде (02.08.2020) 22 845 отбасыға ет таратылды. Жалпы алғанда, яғни барлық облысты қамтығанда Құрбан айттың үш күнінде 81 301 отбасыға ет жеткізілді.

ce616eeb-938b-4400-a60d-bfa5629d94ef.jpeg

Қазақстан Мұсылмандары діни басқармасы қайырымдылық шарасына белсенді атсалысқан азаматтарға, жергілікті әкімдік өкілдеріне, сондай-ақ, жекелеген кәсіпорындар мен ұйымдардың басшыларына айрықша алғыс айтады. Алла Тағала игі амалдың сауабын арттырып, өз құзыретінде қабылдыққа жазғай, жақсылығын жаудырғай. Көмек алған жандардың риясыз тілегі қабыл болғай. Әмин! - делінген басқарма хабарламасында.


Фото: дереккөз
Загрузка...