Қозғалтқышына құс кіріп кеткен ұшақ қонуға мәжбүр болды

15 Тамыз 2019, 11:28
2708
Бөлісу:
Қозғалтқышына құс кіріп кеткен ұшақ қонуға мәжбүр болды
PHOTO

Нұр-Сұлтан, BAQ.KZ. Ресейде Симферопольге ұшып бара жатқан ұшақтың қозғалтқыштары құс түсіп кетіп, тұтана бастағандықтан жақын жердегі әуежайға қонды.

ТАСС агенттігінің деректеріне сүйенсек, бүгін таңертең "Уральские" әуе жолының А-321 ұшағы Мәскеу облысы Жуковский әуежайының маңайына шұғыл қонуға мәжбүр болды. Себебі, ұшып бара жатқанда ұшақтың қозғалтқыштарынан өрт шықты.

Ресейлік әуе кеменің ішінде 234 жолаушы болды, оның ішінде 7-еуі экипаж мүшелері. Алдын ала мәлімет бойынша, ұшақтың ішіндегі жолаушылардың барлығы қауіпсіз жерге көшірілді, зардап шеккендер жоқ.

2380812.jpg

Әуе тасымалдаушының бас директоры Сергей Скуратовтың айтуынша, ұшақтың екі қозғалтқышы да ішіне құс түсіп кеткендіктен істемей қалған.

«Ұшақтың Жуковский әуежайындағы апаттық қонуына – ұшақ қозғалтқыштарына түсіп кеткен құстар себеп болды. Екі қозғалтқыш та істен шықты. Экипаж ұшу алабына бір шақырым жер қолғанда қонды», - деді Скуратов.

pic_3a489851e20089b3a7cbb15aa933e265.jpg

РИА Новостидің хабарлауынша, ұшақ қонғаннан кейін ұшу алабынан тыс жерге шығып кеткен. Шұғыл қызмет өкілінің сөзінше, ұшақ шасси тағандарының барлығы сынып кеткен. Ұшақтағы өрт толығымен сөндірілді. 

Өзгелердің жаңалығы