Қостанайда республикалық кинофестивальдің жеңімпаздары анықталды

8 Маусым 2019, 21:01
2135
Бөлісу:
Қостанайда республикалық кинофестивальдің жеңімпаздары анықталды
PHOTO
Фото: автордан

Қостанай облысы, BAQ.KZ тілшісі. «Қазақстан балалары шексіз әлемде!» атты республикалық кинофестиваль мәресіне жетті. Байқау қорытындысында Алматы қаласының жеткіншектері жалпыкомандалық есепте бірінші орын жеңіп алды. 

Екінші орынды Түркістан облысының құрамасы қанжығаласа, қостанайлықтар үшінші жүлдені қанағат тұтты. Командаларды Республикалық қосымша білім беру оқу-әдістемелік орталығының өкілі Әсемгүл Нұрланова марапаттап, фестивальді ойдағыдай ұйымдастыруға атсалысқан Ы.Алтынсарин атындағы дарынды балаларға арналған мектеп-интернаты ұжымына алғыс білдірді.

Қостанайда республикалық кинофестивальдің жеңімпаздары анықталды

«Құрметті жас режиссерлер, сценаристер, операторлар, актерлар! Сіздерді Қазақстан кино өнерінің болашағы деп білемін. Екі күн ішінде біз қандай дарынды ұрпақ өсіп келе жатқанына куә болдық, қуандық. Шығармашылықтарыңыз шыңдала берсін», - деді Қостанай облысы әкімдігінің білім басқармасы басшысы Василий Цымбалюк.

Байқауда 9 номинация бойынша 1, 2, 3 орын алған жүлдегерлерге планшеттер, ұялы телефондар және смарт-сағаттар сыйға тартылды.

Қостанайда республикалық кинофестивальдің жеңімпаздары анықталды

Жеңімпаз атанғандардың бірі – түркістандық Бекзат Балтабай. Оның жұмысы «Киножурнал» аталымында үздік деп танылды.

«25 жасында қыршын кеткен әйгілі мәнерлеп сырғанаушы Денис Тен туралы шағын киножурнал жасап шығардым. Фильмімде оның нағыз патриот болғанын көрсеттім. Келешекте кино немесе ІТ саласында жұмыс істегім келеді», - дейді Бекзат.

Қостанайда республикалық кинофестивальдің жеңімпаздары анықталды

Бұған дейін жазғанымыздай, Қостанайда өткен республикалық кинофестивальге жүзден астам оқушы қатысты.

Өзгелердің жаңалығы