Нұр-Сұлтан, BAQ.KZ. Жоғары хоккей лигасында ойнайтын елорданың «Номад» хоккей командасының капитаны Мадияр Ыбырайбеков Ресейдің «Югра» командасымен ойында төбелес шығарды.
Жоғары хоккей лигасының кезекті туры аясында Нұр-Сұлтанда екі команда кездескен болатын. Ойынның үшінші кезеңінде «Номад» капитаны Мадияр Ыбырайбеков Ханты-Мансийсктан келген команданың шабуылшысы Максим Аскаровпен ілігісіп қалды. Нәтижесінде Мадиярдың тура соққысы қарсыласының көзіне тиді.
Ал ойында елорда командасы 1:5 есебімен жеңіліп қалды.
