Бас жаңалықтар
«ҚазАгро» холдингіне жаңа Басқарма төрағасы тағайындалды
05 Сәуiр 2019, 10:24 904

«ҚазАгро» холдингіне жаңа Басқарма төрағасы тағайындалды

Нұр-Сұлтан, BAQ.KZ. Жалғыз акционердің бұйрығымен «ҚазАгро» холдингі» АҚ Басқарма төрағасы болып Қарашөкеев Ербол Шырақбайұлы тағайындалды. Бұл туралы ҚР Ауыл шаруашылығы министрлігінің баспасөз қызметі хабарлады.

Қарашөкеев Ербол Шырақбайұлы - 1976 жылы Алматы облысында дүниеге келген. Әл-Фараби атындағы Қазақ мемлекеттік ұлттық университетін бітірген, құқықтану бакалавры,  сонымен бірге Әл-Фараби Атындағы ҚазМҰУ экономика және құқық институтының экономика магистрі дипломы бар.

Еңбек жолын 1998 жылы ҚР Статистика агенттігінің талдау және конъюнктуралық зерттеулер басқармасында бастаған. Әр жылдары «Медикус Центр» ЖШС БК-да басшылық лауазымында болды, «Экспорттық кредиттерді және инвестицияларды сақтандыру жөніндегі мемлекеттік сақтандыру корпорациясы» АҚ Қаржы департаментінің директоры – Басқарма мүшесі (2003-2006),  ҚР Қаржы министрлігі «Жиынтық-талдау департаментінің директоры (2006-2007), «ҚазАгро» ҰБХ» АҚ Басқарушы директоры (2007), «Ауыл шаруашылығын қаржылай қолдау қоры» АҚ Басқарма төрағасы (2007-2009),  «Республикалық бюджеттің атқарылуын бақылау жөніндегі есеп комитетінің «Қаржылық бұзушылықтарды зерттеу орталығы» РМК бас директоры (2010-2012), «Самұрық-Қазына» ҰӘҚ «ҚБТУ» мұнай-газ инжинирингі және ақпараттық технологиялар институты ЖШС Бас директоры (2012-2013), «Қазақстанның тұрғын үй құрылыс жинақ банкі» АҚ Басқарма төрағасының орынбасары (2013-2016). 2016-2019 жылдар аралығында ҚР Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары қызметін атқарды, содан кейін Қазақстан Республикасы Қаржы министрлігі Қазынашылық комитетінің төрағасы лауазымын атқарды.


Фото: дереккөз
Загрузка...