Бас жаңалықтар
Балаларды қарбыздың қабығына дейін жеуге мәжбүрлеген адам ұсталды
VIDEO
03 Шілде 2020, 19:10 286

Балаларды қарбыздың қабығына дейін жеуге мәжбүрлеген адам ұсталды

Нұр-Сұлтан, BAQ.KZ. Түркістан облысының полицейлері балаларды қарбыздың қабығын жеуге мәжбүрлеген ер адамды тапты, деп хабарланды Polisia.kz сайтында. 

Әлеуметтік желілерге мониторинг жүргізу кезінде Түркістан облысы Полиция департаментінің қызметкерлерінің назарына аузына келген былапыт сөзді айтып, екі кішкентай ұл баланы балағаттап, оларға қарбыздың қабығын жегізіп, соны өзі видеоға түсіріп тұрған тұрғынның бейнежазбасы ілікті. 

Бір тәулік ішінде полицейлер қоғамдық резонанс тудырған бейнежазбаның авторын анықтап, ұстады. Ол Ордабасы ауданының тұрғыны болып шықты. Бейнеге түсірілген жайт 2019 жылдың тамыз айында болған. Ер адам өз кінәсін толық мойындады. Сондай-ақ, полицейлер балаларды да тапты. Олардың ата-аналары полицияға құқық бұзушыны жауапкершілікке тарту үшін арыз беруге ниетті екендіктерін жеткізді, - делінген хабарламада.




Фото: дереккөз
Загрузка...