Бас жаңалықтар
Президент сайлауы – 2019. Елдос Сметов: Кемел елге тұлға керек
23 Сәуiр 2019, 20:29 745

Президент сайлауы – 2019. Елдос Сметов: Кемел елге тұлға керек

Тараз, BAQ.KZ тілшісі. Дзюдо күресінен Олимпиада ойындарының күміс жүлдегері Елдос Сметов Nur Otan партиясының кезектен тыс XIX съезінде қабылданған шешім туралы пікірін білдірді.

Спортшының айтуынша, елімізде орын алып жатқан саяси жағдай қай-қайсымызды болсын бей-жай қалдырмағаны жөн.

«Мемлекеттің, ұлттың дамуы, өркендеуі үшін биліктің ауысымы жылдамырақ орын алғаны құба-құп. Қазақстанның Тұңғыш Президенті Нұрсұлтан Назарбаев өкілеттігін тоқтатып, тізгінді Қасым-Жомарт Тоқаевқа бергенін жұрт ұтымды шешім ретінде қабылдаған болатын. Енді міне, елімізде жаңа саяси науқанның да кезі келіп жетті. 9 маусымды Президент Қасым-Жомарт Тоқаев кезектен тыс Президент сайлауы өтетін күн ретінде белгілегелі ел: «Nur Otan» партиясы кандидат ретінде кімді ұсынар екен?» деп қобалжығаны жасырын емес. Біз де сол санатта болдық. Ол мәселенің де түйіні тарқатылғанын көзіміз көріп отыр», - деді Елдос Сметов.

Олимпиада ойындарының жүлдегері «Nur Otan» партиясының кезектен тыс ХІХ сессиясында Қазақстан президенттігіне үміткер ретінде билік партиясы Қасым-Жомарт Тоқаевты таңдағанын ұтымды шешім, дұрыс бетбұрыс деп бағалайды.



Фото: ашық дереккөз
Загрузка...