Нұр-Сұлтан, BAQ.KZ. Қасым-Жомарт Тоқаев УЕФА Суперкубогының иегерін марапаттаған жас қазақстандыққа жылы лебізін білдірді. Бұл туралы ҚР президенті өзінің Twitter-дегі парақшасында жазды.
«Жас қазақстандық Әли Тұрғанбеков УЕФА Суперкубогы үшін «Ливерпуль» мен «Челси» арасында өткен матчтың жеңімпазын марапаттау салтанатына қатысты. Әли, сенің мақсатқа жету жолындағы күш-жігерің әлемде талай адамды алға жетелейді. Барлық армандарың орындалсын!», - деп жазды мемлекет басшысы Twitter-дегі парақшасында.
Айта кетейік, Түркияның Ыстамбұл қаласында өткен футболдан УЕФА Суперкубогының иегерін марапаттау рәсіміне аяқсыз туған жас қазақстандық Әли Тұрғанбеков қатысқан болатын.
