Павлодарлық полицейлер заңсыз алкоголь өнімін сақтаған тұрғынды анықтады

12 Маусым 2021, 20:32
2289
Бөлісу:
Павлодарлық полицейлер заңсыз алкоголь өнімін сақтаған тұрғынды анықтады

Нұр-Сұлтан, BAQ.KZ. Павлодарлық полицейлер заңсыз алкоголь өнімін сақтаған тұрғынды анықтады. 

Polisia.kz сайтының хабарлауынша, Павлодар облысы Успен ауданы ауылдарының бірінің тұрғыны заңсыз кәсіпкерлік қызметпен айналысатыны белгілі болды.

Биыл 9 маусымда сағат 18:00 шамасында ауыл тұрғыны өз үйінен 0,5 литр көлемдегі құрамында спирті бар сұйықтықты рұқсат құжаттарынсыз сатқаны анықталды, – деді Успен ауданының полиция бөлімінің бастығы Берік Оралов. 

Қазіргі уақытта сараптама жүргізіліп жатқанын, оның нәтижелері Қазақстан Республикасы ӘҚБтК-нің 463-бабы (Кәсіпкерлік немесе өзге қызметпен айналысу, сондай-ақ тиісті тіркеусіз, рұқсатсыз немесе хабарлама жібермей іс-әрекеттерді жүзеге асыру) бойынша шешім қабылданатынын атап өтті. 

Айта кетейік, биыл аудан аумағында полиция қызметкерлері кәсіпкерлік немесе өзге қызметпен айналысуға қатысты Қазақстан Республикасы заңнамасының талаптарын бұзудың бес фактісін анықтады.


Өзгелердің жаңалығы