Бас жаңалықтар
Павлодарда бір тәулікте 100-ден астам жол қозғалысы ережесін бұзу фактісі анықталды
21 Қаңтар 2021, 03:33 166

Павлодарда бір тәулікте 100-ден астам жол қозғалысы ережесін бұзу фактісі анықталды

Нұр-Сұлтан, BAQ.KZ. Полицейлер азаматтарды жол қауіпсіздігі ережелерін қатаң сақтауға шақырады, деп хабарлайды  Рavlodarnews.kz.

Жол қозғалысын қадағалау кезінде Павлодар қаласының патрульдік полиция батальонының полицейлері бір тәулік ішінде жол қозғалысы ережелерін бұзудың 102 фактісін анықтады. 19 жүргізуші бекітілмеген қауіпсіздік белдіктері үшін тоқтатылды, 9 жүргізуші бағдаршамның тыйым салатын сигналына шыққан, ал 2 жүргізуші мас күйінде көлік құралын басқарған. Бұл ретте, осындай фактілердің бірі сағат 19.35-те анықталды. Қала тұрғындары жұмыстан қайтқан кезде жолдардағы қозғалыс жанданды, - деді Павлодар қаласы патрульдік полиция батальонының командирі Ренат Шарипов.


Бұқар жырау көшесінде патрульдеу кезінде  көлік жүргізушісі медициналық қорытындыға сәйкес мас күйінде болғаны анықталған.  Ер адамға қатысты ҚР ӘҚБтК-нің 608-бабы, 6-бөлігі бойынша әкімшілік хаттама толтырылып, автокөлік айыппұл тұрағына қойылды.

Статистика ережелерді тек жүргізушілер ғана бұзбайтынын көрсетеді. Жаяу жүргіншілер де тәртіпті бұзатындар қатарында. Мәселен, жаяу жүргіншілер бір тәулік ішінде 17 бұзушылыққа жол берген. Мысалы, павлодарлық жаяу жүргіншілер өткеліне дейін бармай, Торайғыров көшесінің жүріс бөлігі арқылы өтуге шешім қабылдады. Ер адам өз денсаулығы мен өміріне қауіп төндіріп қана қоймай, сонымен қатар өтіп бара жатқан көліктерге кедергі келтірді. Полицейлер құқық бұзушыны жауапкершілікке тарту үшін ҚР ӘҚБтК-нің 615-бабының 1-бөлігі бойынша әкімшілік хаттама толтырды, - деп атап өтті Ренат Шарипов.


Айта кетерлігі, 2021 жылдың өткен кезеңінде батальон полицейлері жол қозғалысы ережелерін бұзудың 1500-ге жуық дерегін анықтаған.



Фото: ашық дереккөз
Загрузка...