Нұр-Сұлтан, BAQ.KZ. Акция осымен екінші жыл қатарынан ұйымдастырылуда, деп хабарлады pavlodarnews.kz.
Облыстық білім беру басқармасы хабарлағандай, 10 қыркүйек пен 5 қазан аралығында Ұстаздар күніне арнап «Ұлағатты ұстазым» акциясы өтетін болады."Акцияға қатысу үшін #меніңұстазымпавлодар немесе #мойучительпавлодар хэштегімен Facebook, ВКонтакте және Instagram әлеуметтік желілерінде оқушылар, мектеп түлектері сонымен қатар ата-аналар да мерекеге арналған тілектері бар бейнероликтер және суреттер жариялау қажет", - делінеді хабарламада.
Бұл акция осымен екінші жыл қатарынан ұйымдастырылып келе жатыр. Өткен жылы оқушылар, ата-аналар мен мектеп түлектерінің белсенділігі арқасында 1000-нан аса жарияланымдар жарық көрді.
