Бас жаңалықтар
Павлодарда халық ертегілерінің көрмесі өтуде
21 Қаңтар 2019, 13:30 466

Павлодарда халық ертегілерінің көрмесі өтуде

Астана, baq.kz. Облыс аумағында тұратын 18 этностың халық ертегілері, дастандары және халық аңыздарының кейіпкерлерінен алынған «Қазақстан халқының қуыршақтары» атты көрмесі өтуде. Бұл туралы рavlodarnews.kz сайты хабарлайды.

Балалар көркемсурет мектебі былтыр жыл бойы «Рухани жаңғыру» бағдарламасы шеңберінде «Ғасырлар тоғысынан» атты қалалық өнер жобасына қатысқан. Шығармашылық жұмыстардың қорытындысы бойынша балалар осындай көрме ұйымдастыруды қолға алды.

Осы қуыршақтарды орындамас бұрын әртүрлі Ертіс халқының салт-дәстүрлері мен костюмдерін, сондай-ақ мәдениетін танып білу мақсатында үлкен жұмыс атқарылды. Қуыршақтар түрлі-түсті пластикалық қоспа, сым, жіп, газет және жүн сияқты әртүрлі материалдардан жасалған. Көрмеге 100-ден астам жұмыс ұсынылды. Оның ішінде 11 жастағы Дарина Сәрсекееваның «Анаит» атақты армиян ертегісі, 11 жастағы Диляра Байғұжинованың «Үш әпке» атты қазақ ертегісі, 11 жастағы Валерия Андрееваның «Қоңыр сиыр» башқұрт ертегісі, 12 жастағы Карина Авазбакованың болгар ертегісі бойынша «Күміс бұғы» және София Нилинаның «Ақымақ кемпір және оның қу ұлы», 12 жастағы Азиза Бауыржан мен Диана Саттарованың «Пан Ниточка» және «Совушка-парасатты бас» атты поляк ертегілерінің қуыршақ-кейіпкері ұсынылды.

«Осы жобаға қатыса отырып, балалар қызықты және мағыналы ақпаратпен танысты. Олар отбасы мен досықтың бағасын, мейірімділік пен өзара көмек көрсете білуді түсіне отырып, Қазақстан халқының салт-дәстүрі мен ежелгі әдет-ғұрпына және тарихқа үңіле білді», - дейді мектеп педагогы Светлана Рейн. Көрме 2019 жылдың 1 ақпанына дейін жұмыс істейді.

Загрузка...

Сізден жаңалық