ҚР Президенті православ христиандарын Пасха мерекесімен құттықтады

28 Сәуір 2019, 09:30
4035
Бөлісу:
ҚР Президенті православ христиандарын Пасха мерекесімен құттықтады
Фото: Бауыржан ЖУАСБАЕВ

Нұр-Сұлтан, BAQ.KZ. Бұл туралы Ақорданың баспасөз қызметі мәлімдеді.

«Құрметті отандастар!

Барша православ христиандарын Пасха мерекесімен құттықтаймын!

Бұл күн діндар адамдардың жүрегін мейірім мен қуанышқа бөлеп, рухани құндылықтар мен биік адамгершілік идеалдарды құрметтеуге, игі істерге үндейді.

Дәстүрлі Пасха мейрамы отбасылық қасиеттерді, қайырымдылықты, жақын жанға деген махабатты, адамдардың бір-біріне жанашырлық танытуын ұлықтайды.

Қазақстан Республикасының Тұңғыш Президенті – Елбасының кемел саясатының арқасында елімізде бейбітшілік пен келісім орнаған, сондай-ақ, барлық этностар мен конфессиялар өзара сыйластықта өмір сүруде.

Қазақстандықтар өсіп-өркендеу және даму жолында әрдайым ынтымақ пен бірлік танытып келеді.

Пасха мейрамы сіздерге бақ-береке әкеліп, игі бастамаларыңыздың жаршысы болсын!», делінген Мемлекет басшысының құттықтауында.

Өзгелердің жаңалығы