Бас жаңалықтар
ОСК президент сайлауына кімнің түсе алмайтынын айтты
12 Сәуiр 2019, 12:33 1072

ОСК президент сайлауына кімнің түсе алмайтынын айтты

Нұр-сұлтан, BAQ.KZ тілшісі. Орталық сайлау комиссиясы Қазақстан президенттігіне қойылатын талаптарды атады. 

Бүгін ОСК ҚР Президентінің кезектен тыс сайлауында заңнама талаптарына сәйкестігін тексеруді ұйымдастыру туралы қаулы қабылдады. 

«Сайлау туралы» конституциялық заңда президенттікке кандидат бола алмайтын адамдар көрсетілген: 

1)  заңда белгіленген тәртіппен сотты болған адам немесе сотталу мерзімін өтемеген адам;

2) сот сыбайлас жемқорлық қылмысын және сыбайлас жемқорлық заң бұзушылығын жасағаны үшін кінәсін заңда белгіленген тәртіппен таныған адам. 

3) сот әрекетке қабілетсіз деп таныған, сондай-ақ сот үкімі бойынша бас бостандығынан айыру орындарында отырған азаматтардың сайлануға құқығы жоқ. 

Орталық сайлау комиссиясы президентікке кандидаттарға қойылатын талаптарды да атап өтті.

«Тумасынан Қазақстан азаматы, қырық жасқа толмаған, мемлекеттік тілді меңгерген, Қазақстанда соңғы он бес жылда тұратын және жоғары білімі бар Қазақстан Республикасының азаматы сайлауға түсе алады. Конституциялық заңда президенттікке кандидатқа қосымша талаптар қойылуы мүмкін», - деп айтты ОСК мүшесі Зәуреш Баймолдина.

Президенттікке кандидаттың мемлекеттік қызметте немесе сайланбалы мемлекеттік лаузымдарда кемінде 5 жыл жұмыс тәжірибесі, сондай-ақ белсенді сайлау құқығы болуы тиіс. 

Конституцияда және «Сайлау туралы» конституциялық заңда кандидаттардың қойылатын талаптарға сәйкестігін тексеру тәртібі көрсетілген.

Алдымен, республикалық қоғамдық бірлестіктің жоғары органының отырысы өтіп, кандидатты ұсыну туралы хаттамасынан үзінді көшірме жасалады.

Құжат кандидаттың дауысқа түсуге келісім беруі туралы өтінішімен бірге Орталық сайлау комиссиясына тапсырылады.

Кандидаттың сайлау жарнасын енгізгенін куәландыратын құжатты да тапсыру керек. Үміткердің қойылатын талаптарға сай болуы бес күн ішінде анықталады.

Кандидаттың дауысқа түсуге келісімі туралы нысаны Орталық сайлау комиссиясының 10 сәуірдегі нысанымен бекітілген. Өтінішке үміткердің өмірбаяны, мемлекеттік қызметтегі немесе сайланбалы мемлекеттік лауазымдардағы жұмыс тәжірибесі туралы мәліметтер, сайлау жарнасының енгізілгенін куәландыратын құжат қоса беріледі.

Кандидат Орталық сайлау комиссиясының шотына заңнамада белгіленген ең төменгі жалақының елу еселенген мөлшерінде сайлау жарнасын енгізеді. Құжаттардың толық пакеті болған кезде, Орталық сайлау комиссиясы оларды қарауға қабылдайды.

Президент сайлауы 2019 жылдың 9 маусымында өтеді. Үміткерлерді ұсыну 10 сәуірде басталып, 28 сәуірде сағат 18.00-де аяқталады.

Бұған дейін Орталық сайлау комиссиясы 7 партия мен 5 республикалық қоғамдық бірлестік президеттікке кандидатура ұсынуы мүмкін екенін хабарлаған болатын.



Фото: ашық дереккөз
Загрузка...