Open Almaty-ға 9 айдың ішінде 100 мыңнан астам өтініш түсті

21 Қазан 2019, 17:38
4076
Бөлісу:
Open Almaty-ға 9 айдың ішінде 100 мыңнан астам өтініш түсті

Алматы, BAQ.KZ. Алматының қоғамдық қабылдауына қала тұрғындарынан жүз мыңнан аса өтініш келіп түсті. Олардың дені абаттандыру, қоғамдық көлік және жолдар, инженерлік желілер, ТҮКШ мәселелері бойынша. Бұл туралы Алматы қаласы әкімдігінің баспасөз қызметі хабарлады.

Алматы әкімдігінің Open Almaty қоғамдық қабылдауы 2017 жылдың қыркүйек айынан бастап жұмыс жасауда. Жоба Smart Almaty концепциясын жүзеге асырудың бір бөлігі болып табылады және оның құрамына фронт-офис, қалалық ақпараттық портал және байланыс орталығы енген.
"Бір терезе" қағидасы бойынша әрбір қалалық Open Almaty-дағы аудандық әкімдіктер, әлеуметтік әл-ауқат, тұрғын үй саясаты, жасыл экономика, қалалық жоспарлау және урбанистика, қала құрылысын бақылау, жер қатынастары, қалалық мобильділік басқармалары, ТЖД, ПД, соттан тыс татуластыру Орталығы, "Атамекен" ҰКП, "Тұрғынүйқұрылысжинақ банкі", коммуналдық кәсіпорындар өкілдерінен кеңес алуына болады. Барлық өтініштер бірыңғай ақпараттық жүйеге тіркеледі", - делінген тартылған ақпаратта.

Аудандар әкімдіктерінің, басқармалардың, коммуналдық қызметтердің орындаушылары ұсынатын жауаптардың сапасы мен уақтылы берілуін Open Almaty инспекторлары бақылайды. Қала басшылығына апта сайын өтініштер бойынша статистика беріледі. Open Almaty-да 2019 жылдың 9 айы ішінде қалалықтардың 106,2 мың өтініштері тіркелген.
Олардың 62,9 мыңы немесе 59 проценті байланыс орталығы; 19,6 мыңы немесе 18% әлеуметтік желілер арқылы түскен; 17,3 мыңы немесе  16% Open Almaty фронт-офисіне жеке келіп берілген; 6,4 мыңы немесе 6% портал арқылы түскен.

2019 жылдың шілде – қыркүйек айлары аралығында Open Almaty-да 42,9 мың өтініш тіркелген, бұл 2018 жылдың осы кезеңімен салыстырғанда шамамен 60%-ға көп.
Ағымдағы жылдың III тоқсанында түскен өтініштер бойынша қалалықтар үшін мына мәселелер өзекті болған, олар: қаланы абаттандыру - 6,3 мың (оның ішінде қала объектілерін, ауаларды ұстау, ТҚҚ шығару, ағашты санитарлық кесу, арықтарды тазалау); көлік пен жолдар шағымы - 3,6 мың (автобустар қозғалысы, жол, жаяу жүргінші жолы құрылысы, бағдаршам орнату); инженерлік желілер және ТКШ мәселелері - 1,8 мың (сумен қамту және бөлу, жылу желісі, газбен қамту, электроэнергиясы); тұрғын үй жән ПИК (лифтер, ПИК-тердің қызметі) - 1,2 мың және білім (орта білім, балалар бақшалары, колледждер) - 699 өтініш.

Жеке келуден өзге Open Almaty-ға әлеуметтік желілер (Facebook, Instagram, Twitter), веб-портал open-almaty.kz және байланыс орталығы 1308 (ұялы телефоннан тегін), 338 33 88 нөмірі арқылы өтініштер жіберуге болады.


Өзгелердің жаңалығы