Бас жаңалықтар
Нығматулин Катардағы Парламентаралық Одақ алаңында Володинмен кездесті
08 Сәуiр 2019, 10:08 575

Нығматулин Катардағы Парламентаралық Одақ алаңында Володинмен кездесті

Нұр-Сұлтан, BAQ.KZ. Мәжіліс төрағасы Нұрлан Нығматулин Қатардың астанасы Доха қаласында өтіп жатқан Парламентаралық Одақтың 140-шы Ассамблеясы алаңында Ресейдің Мемлекеттік Дума спикері Вячеслав Володинмен кездесті. Бұл туралы Парламент Мәжілісінің баспасөз қызметі хабарлады.

Тараптар Қазақстан мен Ресей парламентаралық ынтымақтастығының өзекті мәселелерін талқылап, оның зор әлеуеті мен одан әрі дамытуға қатысты ортақ мақсаттарды атап өтті.

Кездесу барысында Нұрлан Нығматулин Қазақстан осыған дейін еліміздің Тұңғыш Президенті Нұрсұлтан Назарбаевтың Ресей Президенті Владимир Путинмен қол жеткізген келісімдерін жүзеге асыруды, сондай-ақ, Ресеймен стратегиялық өзара іс-қимылды нығайтуды жалғастыратынына тоқталды. Бұл жолда Мәжіліс спикері екі елдін Парламенттері ағымдағы жылғы парламенаралық іс-қимылдарға баса назар аудара отырып, өз үлесін қоса беретініне сенім білдірді.

Өз кезегінде, Мемлекеттік Дума төрағасы Вячеслав Володин Ресей мен Қазақстан арасындағы қарым-қатынастардың даму қарқынына көңіл бөліп, бұл бағытта екі ел Президенттерінің орасан жұмыстар атқарып жатқанын айтты. Вячеслав Володиннің пікірінше, осы ретте Қазақстан Республикасының Тұңғыш Президенті Нұрсұлтан Назарбаевтың рөлі өте зор.

Нұрлан Нығматулин мен Вячеслав Володин ағымдағы жылдың 23-24 қыркүйегінде Нұр-Сұлтан қаласында өтетін Еуразия елдері Парламенттері спикерлерінің IV Кеңесіне дайындық мәселелерін де талқылады. Мемлекеттік Дума спикері атап өткендей, көптеген елдердің қызығушылығын есепке ала отырып, Кеңес жұмысын алдағы уақытта да жүзеге асыру қажет. Вячеслав Володиннің пікірінше, бұл ашық диалог аясында көптеген маңызды мәселелерді талқылауға және шешуге мүмкіндік береді.

 

Загрузка...