Нығматулин Абайдың өлеңін оқып, эстафетаны өзбекстандық әріптесіне жолдады

2 Тамыз 2019, 10:16
3141
Бөлісу:
Нығматулин Абайдың өлеңін оқып, эстафетаны өзбекстандық әріптесіне жолдады
VIDEO

Нұр-Сұлтан, BAQ.KZ. Мәжіліс төрағасы Нұрлан Нығматулин Абайдың 175 жылдық мерейтойына орай ұйымдастырылған челенджді қолдады. Бұл туралы мәжілістің баспасөз қызметі хабарлады. 

Палата спикері эстафетаны халықтың сүйіктісі, бүкіл әлемге қазақ мәдениетін танытқан, аты аңызға айналған опера әншісі Бибігүл Төлегеновадан қабылдады. Нұрлан Нығматулин Ұлы Абай бүгінде тек қазақ халқымыз ғана емес, бүкіл әлем үшін де кемеңгер тұлғаға айналғанын айтып, Абай атамыздың өлеңдері, Абайдың «Қара сөздері» адам баласын ерінбей еңбек етуге, берекелі өмір сүруге, өнерлі, білімді және қайырымды болуға шақыратынына назар аударды.

«Осы жолда Ұлы ақынның ұрпаққа қалдырған өсиет сөздері ешқашан ескірмейтін және таусылмайтын мол қазына. Сонымен бірге, егемен еліміздің даму жолында рухани тірек болатын алтын мұрамыз. Сондықтан, қанша жылдар, қанша ғасырлар өтсе де Абай шығармалары әрқашанда маңызды. Бүгінде дүние жүзіне таралған Абай эстафетасы жүрегі елім деп, жерім деп соғатын әрбір азаматқа рух беретін, жігер беретін ерекше бастама деп есептеймін», - деді Мәжіліс төрағасы.

Палата спикері Нығматулин Абай Құнанбайұлының өлеңін оқып, бұл маңызды шараны одан әрі жалғастыру үшін өзбекстандық әріптесі Өзбекстан парламентінің спикері, Өзбекстан Олий Мажлисінің заң шығару палатасының төрағасы - Нурдинжон Исмоиловке жолдады.

Айта кету керек, акцияның мақсаты - қазақтың Ұлы ақыны Абай Құнанбаевтың шығармаларынан үзінді оқу.




Өзгелердің жаңалығы