Бас жаңалықтар
Нұр-Сұлтанда сенбілікке 1700-ден астам теміржолшы қатысты
19 Қыркүйек 2021, 17:07 559

Нұр-Сұлтанда сенбілікке 1700-ден астам теміржолшы қатысты

Нұр-Сұлтан, BAQ.KZ. Елордада 18 қыркүйекте «Бірге – таза Қазақстан» акциясы аясында жалпықалалық экологиялық сенбілік өтті. Оған «ҚТЖ» ҰК» АҚ-ның 1700-ден астам қызметкері қатысты.

«Қазақстан темір жолы» ҰК» АҚ баспасөз қызметінің хабарлауынша, тазалау жұмыстарына шыққан ең белсенді еңбек ұжымдарының бірі - Магистральдық желі дирекциясының қызметкерлері болды. Олар 500-ге жуық адамды жинады.      


Теміржолшылар қызметтік-техникалық ғимараттарға іргелес жатқан аумақтарды, вокзал маңындағы алаңдарды жөнге келтіріп, темір жолдың бөлу жолақтарын тазалады. Барлығы 10 тоннадан астам қоқыс жиналып, шығарылды.

Сонымен қатар сенбілік кезінде теміржолшылар ағаш отырғызды.




Фото: дереккөз
Загрузка...