Бас жаңалықтар
Нұр-Сұлтанда карантин режимін бұзған 16 мекеме анықталды
06 Қыркүйек 2021, 22:34 1507

Нұр-Сұлтанда карантин режимін бұзған 16 мекеме анықталды

Нұр-Сұлтан, BAQ.KZ. Елорданың мониторингтік топтары бірнеше айдан бері күшейтілген режимде жұмыс істеп келеді. 

Олар күн сайын қаладағы 100-ден астам кәсіпкерлік нысанда карантин шараларының сақталғанын тексереді, деп хабарлайды қала әкімдігінің ресми сайты.

Өткен демалыс күндері мониторингтік топтар Нұр-Сұлтандағы 16 мекемені әкімшілік жауапкершілікке тартты.

5 қыркүйекте Алматы және Байқоңыр ауданында орналасқан екі мекемеде санитарлық нормалардың бұзылғаны анықталды.



Сенбі күні елордалық 8 мекеме бас санитарлық дәрігердің қаулысында көрсетілген талаптарды сақтаған жоқ. Ал ертеңінде 6 мекемеде карантин режимінің бұзылғаны анықталды. Сонымен қатар тексеру кезінде Horeca мейрамханасында 60-қа жуық адам болған. Бұл карантин жағдайында рұқсат етілмейді. Себебі мұндай жағдайда әлеуметтік қашықтық сақталмайды.


Тәртіп бұзушыларға қатысты жиналған материалдар әкімшілік шаралар қабылдау үшін санитарлық-эпидемиологиялық бақылау саласындағы уәкілетті органға берілді.


Айта кету керек, COVID-19 індетінің төмендегеніне қарамастан елорда эпидемиологиялық жағдайды бағалау бойынша «қызыл» аймақтан шыққан жоқ. Сондықтан қала тұрғындары мен қонақтары санитарлық нормаларды қатаң сақтауы керек: маска режимі, әлеуметтік қашықтық, қол гигиенасы. Қала тұрғындары өзінің де, өзгелердің де денсаулығын сақтау үшін коронавирусқа қарсы вакцинациядан өтуі қажет. Себебі иммундау қауіпті вируспен күресудің жалғыз тиімді әдісі болып саналады.


Фото: ашық дереккөз
Загрузка...