Бас жаңалықтар
Nur Otan партиясының жаңа мүшелеріне партиялық билеттер табысталды
28 Ақпан 2021, 00:28 287

Nur Otan партиясының жаңа мүшелеріне партиялық билеттер табысталды

Нұр-Сұлтан, BAQ.KZ. Nur Otan партиясының Нұр-Сұлтан қалалық филиалының төрағасы Алтай Көлгінов Instagram парақшасында партияның жаңа мүшелеріне билеттері табысталғанын мәлім етті, деп хабарлайды қала әкімдігінің ресми сайты.

Nur Otan партиясының құрылғанына 22 жыл толуына орай партияның жаңа мүшелеріне партиялық билеттер табыс еттім. Қала мен елді дамыту партиялықтардың жұмысымен тығыз байланысты. Олар күн сайын халықпен тиімді кері байланысты қамтамасыз етіп, мемлекет басшылығы қойған міндеттердің орындалуын бақылауда ұстайды. Партия мүшелері пандемиямен күресте үлкен көмек көрсетті. Өткен праймериз жаңа тұлғаларды, идеялар мен тәсілдерді анықтауға мүмкіндік берді, осылайша қатысушылар үшін өзіндік әлеуметтік лифт болды. Өткен жылдың қиындықтарына қарамастан, көптеген жұмыстар атқарылды. Жұмыс әлі де көп. Партияның 2021-2025 жылдарға арналған сайлауалды бағдарламасының негізіне 13 негізгі басым бағыт алынды. Мысалы, 2021-2025 жылдар аралығында жыл сайын 10 мыңға жуық жеңілдікті әлеуметтік пәтер салу және беру, 125 ТК және 150 лифтіні жөндеу, 300-ден астам отбасын апатты үйлерден жаңа қауіпсіз ТК-ге көшіру жоспарланып отыр, – деді Алтай Көлгінов.

Партияның қалалық филиалының төрағасының айтуынша, 5 жыл ішінде 50 мемлекеттік мектеп салынып, орта және жоғары білім алу үшін гранттар саны жоспарлы түрде ұлғайтылады. "Қадамдық қолжетімділік" қағидаты бойынша тағы 30 "үй жанындағы дәрігер" нысаны ашылады, тағы 5 ірі медициналық мекеме салынады.

Елді-мекендерді дамытуға ерекше көңіл бөлінеді. Алдағы жылдарда 130 км сумен жабдықтау және су бұру желілері, 85 км нөсер кәрізі, қосалқы станция және 177 км электрмен жабдықтау желілері, 23 км жылумен жабдықтау желілері, 3 кешен нөсер кәріздерін тазарту құрылыстары салынады. Сондай-ақ, 6 мектеп, бірқатар медициналық орталықтар, 4 дене шынықтыру-сауықтыру кешені, 50 саябақ пен сквер құрылады, 123 км велосипед жолдары төселеді және т. б. Сондай-ақ, партияның сайлауалды бағдарламасында қаланы газдандыру, экология, жол-инженерлік инфрақұрылымды дамыту, нөсер кәріздерін салу, шағын және орта бизнесті қолдау және т. б. бағыттар ерекше көрсетілген, - деді Nur Otan партиясының Нұр-Сұлтан қалалық филиалының төрағасы Алтай Көлгінов.


Фото: ашық дереккөз
Загрузка...