«NEET» санатындағы жастармен жұмыс бойынша кеңес өтті

4 Қазан 2021, 14:50
5721
Бөлісу:
«NEET» санатындағы жастармен жұмыс бойынша кеңес өтті
PHOTO

Нұр-Сұлтан, BAQ.KZ. Ақпарат және қоғамдық даму вице-министрі Асқар Умаров «NEET» санатындағы жастармен, әсіресе, өңірлік деңгейде әдіснамалық қамтамасыз ету және жұмыс алгоритмдерін қалыптастыру мәселелерін талқылау бойынша кеңес өткізді.

Ол «NEET» санатындағы жастар санын азайту жөніндегі қызмет Nur Otan партиясының сайлауалды бағдарламасының және оны іске асыру жөніндегі Жол картасының 71-тармағында бекітілген басым міндеттерінің бірі екенін атап өтті.

Айта кетейік, Ақпарат және қоғамдық даму министрлігі «Жастар» ғылыми-зерттеу орталығымен және жергілікті атқарушы органдармен бірлесіп «NEET» санатындағы жастармен жұмыс механизмдерін әзірлеу бойынша жұмыс жүргізуде.

«NEET» санатындағы жастармен жұмыс бойынша кеңес өтті

Осылайша, ішкі қайта бөлу есебінен Жастар ресурстық орталықтарында атаулы жұмыс бойынша арнайы бөлімдер құрылады, жастардың өңірлік базасы қалыптасады және жаңа біліктілік алуға, оқуды жалғастыруға немесе жұмысқа орналасуға мүмкіндік беретін жас азаматтарды әлеуметтендіру бағдарламасы дайындалады.

Бұдан басқа, Мемлекеттік жастар саясаты туралы заң жобасы шеңберінде «NEET санатындағы жастар» ұғымын заңнамалық түрде бекіту жоспарлануда.

«NEET» санатындағы жастармен жұмыс бойынша кеңес өтті

Кеңеске Стратегиялық жоспарлау және реформалар жөніндегі агенттігі Ұлттық статистика бюросының, Еңбек және халықты әлеуметтік қорғау министрлігінің, «Жастар» ғылыми-зерттеу орталығының, «NEET» санатындағы жастармен жұмыс жөніндегі республикалық жобалау кеңсесінің және сарапшылар қауымдастығының өкілдері қатысты.

Талқылау қорытындысы бойынша бұл санатты мемлекеттік қолдау шараларымен қамтамасыз мақсатында «NEET» санатындағы жастарды есептеу әдістемесін өзектендіру мәселесін тағы да қосымша қарау туралы шешім қабылданды.


Өзгелердің жаңалығы