Бас жаңалықтар
Назарбаев Зияткерлік мектебінің оқушысы шетелдік 6 жоғары оқу орнына түсті
31 Наурыз 2020, 16:10 165

Назарбаев Зияткерлік мектебінің оқушысы шетелдік 6 жоғары оқу орнына түсті

Нұр-Сұлтан, BAQ.KZ. Халықаралық бакалавриат (IB) Назарбаев Зияткерлік мектебінің оқушысы Аделина Елемесова плющ Лигасының екі бірдей университетіне оқуға түсті. Сонымен қатар, Қытай, АҚШ сынды тағы басқа шет мемлекеттердің жоғары оқу орындарына шақырту алды. 

Наурыз айында Елемесовтер отбасына сүйінші хабар бірден бірнеше елден жетті: Аделинаның әлемдегі ең беделді университеттерге қабылданғаны туралы ресми хаттар. Плющ Лигасының Колумбия және Корнелл сияқты ең әйгілі университеттері қазақстандық түлекті студент ретінде қабылдауға дайын. Сонымен қатар талапты жас Northwestern University (АҚШ), Amherst College (АҚШ), YaleNUS (Сингапур), Duke Kunshan University (Қытай) оқу орындарынан шақырту алды.

Бүгінгі күні Аделина қай университетті таңдайтынын ойналып жүр. Ол өзінің мамандығы ғылым және жасанды интеллектпен байланысты болатынын нақты біледі.

Нұр-Сұлтан қаласындағы Халықаралық бакалавриат (IB) Назарбаев Зияткерлік мектебінің 12-сынып оқушысы Аделина Елемесова – еріктілер қозғалысының және TEDx жобалардың белсенді қатысушысы, теннистен қалалық және республикалық турнирлердің чемпионы.

Фото: дереккөз
Загрузка...