Бас жаңалықтар
NASA Марста тікұшақтың алғашқы ұшырылуын кейінге қалдырды
11 Сәуiр 2021, 11:17 309

NASA Марста тікұшақтың алғашқы ұшырылуын кейінге қалдырды

Нұр-Сұлтан, BAQ.KZ. Тікұшақтың көмегімен ғарыш агенттігі планетаны бірнеше метр биіктіктен зерттеуді жоспарлап отыр.

Марс бетіндегі Іngenuity тікұшағының алғашқы ұшуы 14 сәуірден ерте болмайды. Бұл туралы сенбі, 10 сәуірде NASA америкалық ғарыш агенттігінің баспасөз қызметі хабарлады.

Хабарламада айтылғандай, шешім "жұма күні кешке тікұшақтан алынған мәліметтер негізінде" қабылданды.

Ingenuity Mars тікұшағының жұма күні кешке алған мәліметтеріне сүйене отырып, NASA алғашқы сынақ рейсін 14 сәуірден ерте емес мерзімге ауыстыру туралы шешім қабылдады, - деді NASA, агенттік сонымен қатар, аппарат жұмыс істеп тұрғанын атап өтті.
Бастапқыда тікұшақты ұшыру 8 сәуірде жоспарланған болатын, кейінірек 11 сәуірге ауыстырылды.

Алғашқы Марс тікұшағы Perseverance роверінің ішінде болды. Ingenuity роверден бөлініп, Езеро кратерінде бетіне түсірілді.

Perseverance ровері мен Ingenuity тікұшағы бар зымыран 2020 жылдың шілдесінде Кейп Канавералдағы ғарыш айлағынан ұшырылды.


Фото: дереккөз
Загрузка...