Нәрікбаев қазақстандық білім саласындағы өзекті мәселелерді атады

21 Қаңтар 2021, 19:45
1619
Бөлісу:
Нәрікбаев қазақстандық білім саласындағы өзекті мәселелерді атады

Нұр-Сұлтан, BAQ.KZ. «ADAL BILIM» жобалық кеңсесінің экс-басшысы Талғат Нәрікбаев қазақстандық білім және ғылым саласындағы өзекті мәселелерді атады. 

Ол сондай-ақ, өзінің Facebook парақшасында сыбайлас жемқорлыққа қарсы күрес бойынша атқарған маңызды істері жайлы жазды. 

Талғат Нәрікбаевтың айтуынша, жоғары, техникалық және кәсіптік білім саласындағы мемлекеттік тапсырыстың тиімсіздігі – қазіргі таңдағы өзекті мәселердің бірі. Экс-басшы осы уақытқа дейін жоғары оқу орындарына бөлінген қаржының негізділігін тексеруге мүмкіндік болмағанын айтады. Сондай-ақ, «ADAL BILIM» жұмысы нәтижелерінің ішінде ЖОО-лар арасындағы «стипендиялық қорды» бөлу алгоритмін өзгерткенін де атап өтті.

ADAL BILIM» жобалық кеңсесі колледждерде талапкерлерді қабылдау мен олардың арасында мемлекеттік гранттарды бөлу барысында сыбайлас жемқорлық әрекеттерін анықтады. Енді ТжКБ саласындағы мемлекеттік білім беру тапсырысын тарату тәртібі өзгертіліп, бақылау орталықтандырылады.Сонымен қатар «стипендиялық қордың» қаражаты  жоғары оқу орындарына олардың қатысуынсыз, автоматты түрде бөлінетін болады, – деді ол. 

Әлеуметтік желідегі жазбасында Талғат Нәрікбаев Нұр-Сұлтан қаласы мәслихатындағы депутаттық қызметінде елордамыздың білім беру, қоғамдық қауіпсіздік (құқықтық тәртіп) және денсаулық сақтау салаларын дамытуға көңіл бөлетінін айтты.

Айта кетейік, Талғат Нәрікбаев ҚР БҒМ қарасты «ADAL BILIM» жобалық кеңсесіндегі қызметінен бас тартты. Сайлау нәтижесі бойынша Нұр-Сұлтан қаласы мәслихаты VII шақырылымының депутаты әрі қалалық мәслихаттың Заңдылық, құқықтық тәртіп және жұртшылықпен жұмыс мәселелері жөніндегі тұрақты комиссия төрағасы болып тағайындалды.  

Аталған қызмет пен құзыреттілік заң жүзінде жүктелгендіктен әрі қоғамдық жұмыс болған соң, ҚР БҒМ Жобалық кеңсесіндегі қызметіммен қатар алып жүру мүмкін емес, – деп түсіндіреді фейсбуктегі жазбасында.

Өзгелердің жаңалығы