Бас жаңалықтар
Нұр-Сұлтанда "Жасыл ел" жасағының XV маусымы аяқталды
22 Қазан 2019, 20:48 246

Нұр-Сұлтанда "Жасыл ел" жасағының XV маусымы аяқталды

Нұр-Сұлтан, BAQ.KZ. Астананың студенттік құрылыс және «Жасыл ел» жасағының XV маусымының жабылу салтанаты өтті. Бұл туралы елорда әкімдігінің ресми сайты хабарлады.

Студенттік құрылыс және "Жасыл ел" жасағы 2005 жылы ҚР Тұңғыш президенті Н.Назарбаевтың тапсырмасына сәйкес құрылған болатын.

Биыл да ел астанасында республикалық жастардың еңбек жасағы құрылып, оның бөлімшелері барлық өңірлерде ашылды. Қоғамдық даму істері басқармасының жастармен жұмыс істеу бөлімінің басшысы бақытжан Жүнісбековтың айтуынша, биыл "Жасыл ел" штабы жаз маусымында елорданың 1000-нан астам жас тұрғынын жұмыспен қамтыды. 

"Жасыл ел" құрамында еңбек еткісі келетін жастардың саны жыл сайын артып келеді. Биыл штаб жоспарды межеленген шамадан артық орындап, мыңнан астам астаналық жасты жазғы уақытта жұмыспен қамтамасыз етті. Олардың үш жүзге жуығы көпбалалы және әлеуметтік тұрғыдан аз қамтылған отбасыларының балалары. Бұған қоса ювенальдік полицияда есепке алынған жастар да еңбекке тартылды. Қаладағы оннан астам ұйым оларға жұмыс орнын ұсынды. Олардың арасында "Базис-А", "Астана-Зеленстрой" АҚ, "Астана орманы" ЖШС сияқты құрылыс компаниялары мен білім беру ұйымдары бар", - деді Бақытжан Жүнісбеков. 
"Жасыл ел" жасағы маусымының жабылу рәсіміне қоғам қайраткерлері мен эстрада жұлдыздары қатысты.

Фото: дереккөз
Загрузка...