Бас жаңалықтар
Мысырда Абайдың 175 жылдығына орай вебинар өтті
10 Тамыз 2020, 16:41 190

Мысырда Абайдың 175 жылдығына орай вебинар өтті

Алматы, BAQ.KZ. Мысыр елінде Қазақстан елшілігінің ұйымдастыруымен "Қазақтың ұлы ақыны, ойшыл философ Абайдың туғанына 175 жыл" атты вебинар өтті.

Онлайн форматта өткен шараға Қазақстан тарапынан Нұр-Мүбарак университетінің PhD докторы Құрманғазы Садыбаев пен Әл-Фараби университетінің PhD докторы Ықтияр Палтөре қатысты.

Одан өзге аталған вебинарға қатысушылардың ішінде Мысыр елінің білікті тіл мамандары мен әдебиетшілер және оқу-ағарту ісіндегі қайраткерлері де болды.

Кемеңгер тұлғаның 175 жылдығына орай Қ.Садыбаевтың тәржімалауымен ақынның өлеңдері мен поэмалар жинағы, ал қара сөздері Ы.Палтөренің аударуымен араб тілінде оқырманға ұсынылады, - делінген хабарламада.

Кітап Біріккен Араб елдері лигасы мен Қазақстандағы Ұлттық аударма бюросы қоғамдық қорының жетекшілгімен жақын күндері жарық көреді.

Еске салсақ, Абайдың шығармаларын әлемнің он тіліне аудару ҚР Президенті Қасым-Жомарт Тоқаевтың бастамасымен ұлы қазақ ақыны және ойшылының 175 жылдығына орай жүзеге асырылды.


Фото: дереккөз
Загрузка...