Бас жаңалықтар
Мысырға рейстер қайта жанданды
14 Тамыз 2020, 15:10 231

Мысырға рейстер қайта жанданды

Нұр-Сұлтан, BAQ.KZ. 14 қыркүйектен бастап Нұр-Сұлтан және Алматы қалаларынан Мысырға алғашқы рейс ұшады. 

14 қыркүйекте алғашқы рейстер ұшады. Әуекомпания аптасына екі рет "Нұр-Сұлтан – Шарм-Эль-Шейх" және "Алматы – Шарм-Эль-Шейх" бағыттары бойынша тікелей ұшуларды бастайды. Рейстерде Қазақстан қалаларымен ыңғайлы түйісу қарастырылған. 2020 жылдың қазан айынан бастап "Шымкент – Шарм-Эль-Шейх" және "Қостанай – Шарм-Эль-Шейх" бағыттары бойынша тікелей рейстер қайта іске қосылады. Туристік пакеттегі турлардың құны орташа есеппен өзгерген жоқ және өткен жылғы ұсыныстар деңгейінде қалды, - деп хабарлады Нұрсұлтан Назарбаев халықаралық әуежайының баспасөз қызметі.
Жолаушылардың назарын келесі ақпаратқа аударғымыз келеді:

Египет Үкіметі Шарм-эль-Шейх және Хургада курорттарына тікелей чартерлік және тұрақты рейстермен келген туристер үшін ПТР тестерінен міндетті түрде өтпестен келуге рұқсат беру туралы шешім қабылдады.

Шарм-эль-Шейхке немесе Хургадаға тікелей рейстермен келген және Мысырда (басқа қалалар мен аймақтарға) жүргісі келетін туристер үшін қозғалыс басталғанға дейін 72 сағаттан кешіктірмей жасалған ағзада вирустың жоқтығын дәлелдейтін COVID-19-ға ПТР тестінің болуы міндетті.  

Үшінші елдер немесе қалалар (Каир мен Александрияны қоса алғанда) арқылы транзитпен өтетін жолаушылар үшін 72 сағаттан кешіктірмей жасалған ағзада вирустың жоқтығын дәлелдейтін COVID-19-ға ПТР-тестінің болуы міндетті.




Фото: ашық дереккөз
Загрузка...