Бас жаңалықтар
Моңғолияның премьер-министрі отставкаға кетті
21 Қаңтар 2021, 18:55 237

Моңғолияның премьер-министрі отставкаға кетті

Нұр-Сұлтан, BAQ.KZ. Монғолияның премьер-министрі Ухнаагийн Хүрэлсүх жаңа босанған әйелдің коронавируспен ауырғанына қатысты дау-дамайға байланысты отставкаға кетті.

Моңғолия премьер-министрінің орынбасары Янгу Содбаатар мен денсаулық сақтау министрі Тогтмол Мөнхсайхан да осы наразылыққа байланысты жұмыстан кетті.

Бұған дейін бұқаралық ақпарат құралдарында Ұлан-Батырда босанған әйелдің короновирус жұқтырғаны жайлы жазылған болатын. Ол жаңа туылған баласымен бірге COVID-19 науқастарына арналған ауруханаға жылы киім және аяқ киімсіз жеткізілгені туралы хабарланды. Бұл оқиға халыққа резонанс әкелді, олар қала көшелеріне шығып, өз қарсылықтарын көрсетті.

 Нәтижесінде премьер-министр Моңғолияның бүкіл үкіметін отставкаға жіберуді ұсынды.


Фото: ашық дереккөз
Загрузка...