Бас жаңалықтар
Моңғолияда қазақ күресінен ел чемпионаты өтеді
06 Наурыз 2019, 10:59 291

Моңғолияда қазақ күресінен ел чемпионаты өтеді

Астана, BAQ.KZ тілшісі. Моңғолия астанасы Ұланбатыр қаласында 9 наурыз күні Қазақ күресінен Моңғолия чемпионаты өтеді. Бұл туралы Азия Қазақ күресі федерациясының президенті Хашбаатар Цагаанбаатар хабарлады.

55 келіден бастап 100 келіден жоғары салмаққа дейін 8 салмақ дәрежесінде белдесетін балуандарға берілетін жүлде қоры да қомақты. Нақтырақ айтсақ 6 млн төгрөг (860 мың теңге). Бас жүлдеге 1 млн төгрөг (150 мың теңге).

«Мақсаты Моңғолияда қазақ күресін дамыту, жастарды спортпен шұғылдану үрдісіне тәрбиелеу. Сондай-ақ, чемпион атанған спортшылар қазақ күресінен өтетін Азия және Әлем чемпионаттарына қатысуға жолдама алады» – дейді Хашбаатар Цагаанбаатар

Ұланбатырда өтетін дүбірлі доданы «Asian qazaq kuresi» федерациясы ұйымдастырып отыр. Наурыз мерекесіне орай өтетін сайысқа қазірдің өзінде 100-ге жуық балуан қатысуға ниет білдіріп отыр.

Қазақ күресінен Моңғолия чемпионаты алғаш рет ұйымдастырылып отыр. Осыған орай қазақстандық төрешілер де Ұланбатырға барды. 

Ержан Жаубай

Сізден жаңалық