Нұр-Сұлтан, BAQ.KZ. Ішкі істер министрлігі Қазақстан азаматтарының шетелдерден сатып алған және бізідің еліміздің аумағына әкелген автокөліктерін тіркеу жөнінідегі мәселелерді түсіндіру үшін "Тікелей желі" телефон желісін іске қосты.
Қазақстандықтарға Әкімшілік полиция комитетінің қызметкерлері 8 (7172) 71 58 21, 71 58 39, 71 58 04, 71 58 06, 71 58 62 (демалыс күндерін қоспағанда дейін түскі үзіліссіз 09:00-ден 19:00-ге дейін) телефондары бойынша кеңес беруге дайын.
"Жолда қабылдау" акциясы шеңберінде және полиция фронт-офистерінде айыппұлдар туралы ақпараттар алуға, полиця көрсететін мемлекеттік қызметтер туралы білуге болады. Өздерінің кезек күттірмес сұрақтарын шешу үшін ешқандай бюрократтық кедергілерсіз тікелей әкімшілік, көші-қон және жергілікті полиция басшыларына жүгіне алады.Сонымен бірге, 17-18 қаңтарда еліміздегі барлық өңірлік полиция бөліністері кезекті республикалық "Жолда қабылдау" акциясын өткізеді. Азаматтарды мобильді қабылдау пункттерінде ішкі істер органдарының мамандары әрбір адамның жеке жағдайына байланысты тіркеу тәртібін нақты түсіндіреді. Осындай кеңестерді полицияның фронт-офистерінен алуға болады, - делінген министрлік таратқан хабарламада.
"Жолда қабылдау" акциясы өткізілетін орындардың мекенжайларын өңірлік Полиция департаменттерінің сайттарынан білуге болады.
Естеріңізде болса, бұған дейін шетелден әкелінген көліктерге айыппұл салынатыны жайлы хабарлаған болатынбыз.
