Бас жаңалықтар
Министр: Заң тек лозунгтардан тұрмауы керек
16 Ақпан 2020, 15:49 150

Министр: Заң тек лозунгтардан тұрмауы керек

Нұр-Сұлтан, BAQ.KZ. Өткен жылдың 31 желтоқсанында ел Президенті Қасым-Жомарт Тоқаев "Педагог мәртебесі туралы" Заңға қол қойған болатын.

Заңның негізгі мақсаты - педагогтардың мәртебесін арттыру, жүктемені азайту, педагогтарды күтпеген тексерулерден және өздеріне тән емес функциялардан қорғау, педагогтар үшін өзге де ынталандыруларды белгілеуге байланысты мәселелерді заңнамалық деңгейде шешу.

Маңызды кездесулерде зал толтырып, аула аралап, құжат жинау керек болғанда қоғам болып мұғалімдердің көмегіне жүгінетіні рас. Мұғалімдерден «Біз балаларға білім беруіміз керек пе әлде аула аралап, басқа жұмыс жүргізуіміз керек пе?» деген сауалдар жиі келіп жататын. Жасыратыны жоқ, педагогтердің арасында қызметіне кірмейтін жұмысқа тарту, шамадан тыс есеп, негізсіз тексерулер жүргізу мәселелері Заң қабылданғанға дейін өзекті болған еді – дейді министр Асхат Аймағамбетов.

Сонымен қатар ол шын мәнінде жүзеге асырылуы үшін заңда тек лозунгтар болмауы керек екенін айтады.

Заң тиісті нормалармен және тетіктермен қамтылмаса, дұрыс жүзеге аспайды. Сондықтан бұл мәселеге баса назар аударылып, нақты санкциялар қарастырылған. Мұғалімдер өздеріне тән емес функцияларға тартылатын болса, тиісті жаза қаралған. "Әкімшілік құқық бұзушылық туралы" ҚР Кодексіне сәйкес осы нормаларды бұзғаны үшін ескерту; бір жылдың ішінде қайталап бұзғаны үшін – лауазымды тұлғаларға қатысты 20 АЕК мөлшерінде әкімшілік айыппұл қарастырылған», - деді Білім және ғылым министрі А. Аймағамбетов «Қазақстан» ұлттық телеарнасына берген сұхбатында.


Фото: ашық дереккөз
Загрузка...