Бас жаңалықтар
Министр Алғыс айту күніне орай роликтер топтамасын жариялады
VIDEO
24 Ақпан 2020, 12:03 719

Министр Алғыс айту күніне орай роликтер топтамасын жариялады

Нұр-Сұлтан, BAQ.KZ. ҚР Ақпарат және қоғамдық даму министрі Дәурен Абаев Facebook парақшасында «Біз біргеміз!» бейнероликтер топтамасын жариялады.

Бүгіннен бастап парақшамда "Біз біргеміз!" бейнероликтер топтамасын жариялаймын. Жобаны біздің министрлік "О.Ү.Media" продакшн-студиясымен бірге "Хабар" агенттігінің қатысуымен жасады. Бұл – қазақ өнері, әдебиеті, білім мен ауыл шаруашылығы саласындағы біртуар тұлғалар туралы көлемі шағын, алайда мәні терең дүниелер. Ол тұлғалардың барлығы да қазаққа өлшеусіз еңбек сіңіріп, "ұлттық кодтың" сақталуына, дамуына зор үлес қосқан өзге этнос өкілдері, - деп жазды министр. 

Оның айтуынша, бейнероликтер Герольд Бельгер, Александр Затаевич, Александр Бараев, Нина Патрушева, Евгений Брусиловский және тағы да бірқатар қайраткердің оқиғаларын баяндайды.
Өздеріңіз білетіндей, "Алғыс айту" күні таяп қалды. Ол – бірлік пен мейірімділік мерекесі, Қазақстан халқының ортақ тарихымызға салауат айтып, келешекке ынтымақты аманат ететін мейрамы. Біз де осы жобамыз арқылы бабалар ерлігін балалар жадында жаңғыртуды және бүгінгі егемен елімізді құруға атсалысқан барлық жандарға алғыс айтуды мақсат еттік, - деді Дәурен Абаев.

Фото: ашық дереккөз
Загрузка...