Маxатма Гандидің 150 жылдығына орай пошталық марка шығарылды

12 Қараша 2019, 12:46
2412
Бөлісу:
Маxатма Гандидің 150 жылдығына орай пошталық марка шығарылды
PHOTO
Фото: автордан

Нұр-Сұлтан, BAQ.KZ тілшісі. Қазпошта Маxатма Гандидің 150 жылдығына орай естелікке пошталық маркасын шығарды.

Номиналы 500 теңгелік пошталық марка кеше шығарылды. 

WhatsApp Image 2019-11-12 at 11.36.37 (1).jpeg

Біртүсті маркада Маxатма Гандидің суреті бейнеленіп, оның "Әр көзден аққан жасты сүрткім келеді" деген атақты цитатасы жазылған. 

Марканың басылымы төрт бояулы, офсетті баспа, перфорациясы жоталы. Шығарылым түрі – 10 маркадан тұратын маркалы парақ. Парақтық өлшемі 156 х 111 мм, әрбір марканың өлшемі 26 х 37 мм. Тиражы 10 мың дана. УФ – бояулы қорғанысы бар элементтер қолданған. Дизайнері І.Оңғарбай. Пошталық марка "Қазақстан Республикасы Ұлттық банкінің Банкнот фабрикасы" Республикалық мемлекеттік кәсіпорнында басып шығарылды.

WhatsApp Image 2019-11-12 at 11.36.37.jpeg

Осылайша Қазақстан Маxатма Гандидің туғанына 150 жыл толуына орай естелік пошталық маркалар шығарған 100 аса елдің қатарына енді. Маxатма Ганди 1869 жылы 2 қазанда дүниеге келген. Ол үнділік саяси және қоғам қайраткері, Үндістанды Ұлыбританиядан тәуелсіз ету үшін күрескен ұлт-азаттық қозғалысының жетекшісі. Оның зорлық-зомбылықсыз философиясы бейбіт өзгерістерді жақтаушылар қозғалысына әсер етті.

Тәуелсіздік үшін күресте Маxатма Ганди зорлық-зомбылықсыз тәсілді таңдады. Оның бастамасымен үндістер британдық тауарлар мен мекемелерге байкот жариялады. 

WhatsApp Image 2019-11-12 at 11.36.36.jpeg

Үндістан үкіметі 2018 жылы 2 қазанда Маxатма Гандидің 150 жылдығына орай бірнеше шара өткізуді жоспарлап, жүзеге асыруда. Мерейтой 2020 жылдың 2 қазанына дейін екі жыл бойы атап өтіледі.

Өзгелердің жаңалығы