Мәселе шешілді. Алматы мұғалімдері қосымша ақыларын алатын болды

30 Қазан 2020, 13:15
1398
Бөлісу:
Мәселе шешілді. Алматы мұғалімдері қосымша ақыларын алатын болды

Алматы, BAQ.KZ. Алматы әкімдігі ҚР Білім және ғылым министрлігімен бірлесіп, педагогикалық шеберлігі үшін қосымша ақы төлеу мәселесін шешті.

Алматы қаласы білім Басқармасының хабарлауынша, республикалық бюджеттен қосымша қаржы бөлу мәселесі ҚР Білім және ғылым министрлігімен пысықталды.

Тапшылық – педагогикалық мөлшерлеменің айтарлықтай өсуіне байланысты қалыптасты. Педагогикалық шеберлігі үшін қосымша ақы төлеуге бөлінетін қаражат республикалық бюджетте қаралуда, - деп хабарлады басқармадан.

Бүгінгі таңда қаланың 8100 мұғалімі жергілікті бюджет қаражаты есебінен педагогикалық шеберлігі үшін 25 пайыздық қосымша ақы алды. Бұған дейін хабарланғандай, барлығы 15 мыңға жуық мұғалімнің алатын  төлемдері кешіккен. 

Қаланың білім Басқармасы республикалық бюджеттен қосымша қаражат бөлуге өтінім берді. Өтініш расталды және жақын арада, 10 қарашаға дейін, қалған мұғалімдер тамыз-қыркүйек айларына қосымша ақы алады.

Өзгелердің жаңалығы