Бас жаңалықтар
Елімізде Мароккалық шегірткенің алғашқы таралу ошақтары анықталды
21 Мамыр 2020, 16:07 100

Елімізде Мароккалық шегірткенің алғашқы таралу ошақтары анықталды

Нұр-Сұлтан, BAQ.KZ. АШМ баспасөз қызметі Қазақстанның оңтүстігінде шегірткенің таралу ошағын анықталғанын, тиісті мамандар зиянкесті жоюға кіріскендерін хабарлады. 

Бұған дейін айтылғандай, 2020 жылы республикада үйірлі және сая шегіртке зиянкестері 824 мың гектарға таралуы күтілуде.

Осы болжамдарға сәйкес, ҚР Ауыл шаруашылығы министрлігі өткен жылдан бастап ауыл шаруашылығы дақылдарының зиянкестерімен күрес жөніндегі іс-шараларға ауқымды дайындық жүргізді. Атап айтқанда, республикалық және жергілікті бюджеттерден 1,5 млрд теңге бөлінді. Оарға пестицидтердің әртүрлі топтарының препараттары, сондай-ақ болжанатын барлық алаңға химиялық өңдеу жұмыстары бойынша қызметтер сатып алынды, - делінген ведомство ақпаратында.

АШМ мамандары шегіртке зиянкестерінің ошақтарын GPS навигаторлар мен трекерлердің көмегімен іздеу барысында республика бойынша шамамен 40 млн га жер көлемін зерттеу жоспарланғанын атап өтті.

Алғашқы қорғау іс-шаралары республиканың оңтүстік аймақтарында 10 сәуірден басталды. Түркістан және Жамбыл облыстарында Марокко шегірткесі 143 мың га алаңда анықталды. Қазіргі уақытта зиянкестер қоныстанған алаңның 67%-дан астамы өңделді, - делінген хабарламада.

Басқа аймақтарда шегіртке зиянкестерінің таралу ошақтарының анықталуына байланысты химиялық өңдеу жұмыстары басталады. Көршілес мемлекеттермен шекаралас аумақтарда бірлескен зерттеулер жүргізіледі. Бұл туралы ҚР АШМ мамандары РФ, Қытай және Өзбекстаннан келген әріптестерімен алдын ала келісімге келді.


Фото: дереккөз
Загрузка...